Nota de prensa:
RAQUEL ARIAS DESPRAZOUSE Á MARIÑA PARA SEGUIR DE PRETO OS EFECTOS DO TEMPORAL, QUE OBRIGOU A DESPREGAR UN OPERATIVO DUN CENTENAR DE PERSOAS
* A delegada territorial mantivo un encontro con representantes da Confraría de Pescadores de Burela, aos que expresou as súas condolencias pola morte dun pescador ocorrida ao envorcar a súa embarcación
Lugo, 9 de novembro de 2010.- A delegada territorial da Xunta, Raquel Arias, desprazouse ata A Mariña para seguir de preto as incidencias que está a deixar o temporal. O seu primeiro punto de destino foi o porto de Burela, onde estivo acompañada polo alcalde, Alfredo Llano, e varios concelleiros da corporación municipal.
A delegada mantivo un breve encontro con representantes da agrupación de armadores e da Confraría de Pescadores, aos que manifestou o seu pesar polo tráxico accidente que custou a vida a un pescador, xa retirado, ao envorcar a súa embarcación.
O temporal obrigou a despregar na zona un operativo de preto de 100 persoas, entre persoal dos concellos, de Protección Civil e do 112 da Xunta, que coordinou os labores de asistencia.
O corpo de J.R.F.F., de 74 anos, foi atopado pasadas as once da mañá de hoxe, despois de que presuntamente un golpe de mar o abatese cando se atopada no seu bote. O falecemento deste pescador xubilado foi a nota tráxica dunha xornada que, ademais, está a deixar diversas estruturas danadas na Mariña.
Así, a delegada puido constatar que no pavimento das instalacións portuarias de Burela se abriran algunhas gretas, aínda que en xeral non resultaron con danos de consideración.
Arias visitou tamén o porto de San Cibrao xunto co alcalde de Cervo, Alfonso Villares. Neste punto, o mar destrozou parte da escollera de protección do dique, afectando tamén aos tellados de dous departamentos e algún portalón así como ao paseo marítimo. No peirao o temporal derrubou un tramo do dique de abrigo do porto que mide arredor de 30 metros de largo.
En Ribadeo e no Vicedo resultaron afectados os pantaláns deportivos, mentres que en Rinlo veuse abaixo unha caseta utilizada polos mariñeiros e rexistráronse considerables desperfectos noutras dúas.
A delegada estivo dende a primeira hora da mañá en contacto cos alcaldes das zonas afectadas e cos servizos de emerxencias da Xunta de Galicia. Durante a visita aos concellos mariñaos estivo acompañada polo xefe territorial de Mar, Vicente Prieto.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
