Nota de prensa:
A UNIDADE ASISTENCIAL DE DROGODEPENDENCIAS NON SE INTEGRARÁ NO SERGAS. ASÍ O VEN DE ANUNCIAR ALFREDO LLANO DESPOIS DO ENCONTRO MANTIDO HOXE EN SANTIAGO CON RESPONSABLES DA CONSELLERÍA DE SANIDADE.
Burela, 3 de novembro de 2010. A Unidade Asistencial de Drogodependencias non se integrará no Sergas. Así o ven de anunciar o alcalde, Alfredo Llano, despois do encontro mantido hoxe en Santiago con responsables da Consellería de Sanidade.
O rexedor contou que “o que máis nos preocupa neste momento é a Unidade Asistencial de Drogodependencias, o meu interés era que todo o persoal que traballa alí fose integrado no Sergas e esquecéronse un pouco de que é un servizo que depende do Concello de Burela, pero que ten carácter supramunicipal. A resposta que nos deron é que non se integrará no Sergas, esa posibilidade está totalmente descartada, e que o o vindeiro ano manteremos prácticamente a mesma subvención que tivemos neste 2010. O único que ocorrerá é que os concellos recibiremos unha cuantía que abarcará todo o que se refire a asistencia e prevención, todo estará integrado na mesma subvención que recibamos do Sergas e despois será o Concello o que reparta a cada servizo aquelo que lle corresponde”. A Unidade Asistencial de Drogodependencias recibirá este ano 217.000 euros. Alfredo Llano agarda que “eses cartos lle sexan ingresados ao longo deste mes ao Concello de Burela, que é o que está a adiantar e asumir o funcionamento da UAD mentras non chega esa subvención”.
O alcalde de Burela sinalou que “tamén lle comentamos á directora de Asistencia Sanitaria do Sergas, Nieves Domínguez, unha preocupación moi grande que estamos a ter na Unidade de Drogodepencias que é a cantidade de pacientes que recibimos cada vez de menor idade, hai rapaces de 17 a 20 anos. Imos elaborar un informe e enviarllo ao Sergas para que o teña en conta de cara a levar adiante actuacións específicas neste campo. Si isto aumenta haberá que tomar medidas en todos os estamentos da sociedade, hai que vixiar moito máis e hai que educar mellor para que isto sexa un problema global e non asistencial soamente”.
Hospital da Costa
Alfredo Llano tamén se referiu á situación do Hospital da Costa, “recoñecen que ten que mellorar a súa asistencias, pero dinnos que non haberá unha ampliación e moito menos o plan director que se pretendía. Queremos que sexa un hospital funcional e bó para toda a comarca e que se vai tentar mellorar todo o que se poida. Preocúpanos o recorte presupostario sofrido e tamén a falla dunha atención correcta en especialidades como cardioloxía, traumatoloxía ou uroloxía, din que seguirán a funcionar ben e que tratarán de aportar persoal e material. Estaremos un atentos para non perder ningún dos servizos cos que contamos na Mariña”. O alcalde engadiu que “tamén nos contaron que é posible que conte en breve este centro cun ecógrafo, e comentámoslles que preocupan moito nos concellos da Mariña as mamografías que viña facendo unha unidade móvil, eles queren centralizalo no Hospital da Costa, falaban de ter o servizo funcionando a pleno rendemento en dous anos, pero ata entón sería bó que seguise traballando ese equipo móvil pola comarca”.
O rexedor de Burela tamén lles expuxo aos responsables do Sergas que “hai médicos que atenden no PAC e noutros servizos de garda que están ata tres días seguidos facendo gardas, iso é preocupante, xa se produciron moitas queixas e así llo fixemos saber. Tamén analizamos os concellos saudables, e dixémoslles que as nosas pretensións pasaban por xerar programas de formación, educación e información e iso irá incluida na subvención global que recibirá o Concello de Burela. E falamos tamén dos centros de saúde que están dentro da área sanitaria do Hospital de Burela, había preocupación porque tivesen unha autonomía presupostaria independente e fomos informados de que terán unha economía independente. Iso parécenos positivo e debe manterse”.
Alfredo Llano viaxou a Santiago acompañado pola directora da UAD, Conchi Abad, e pola concelleira de Sanidade, Sonia Fraga.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continúa o sábado, a partir das 19.00 horas, coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
As persoas asistentes poderán degustar a tradicional merluza de pincho preparada en diversas elaboracións, nun ambiente festivo que se completará con animación musical para gozar dunha noite de sabor, encontro e bo ambiente.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
