Nota de prensa:
O convenio ten como finalidade revitalizar o plan de expansión e de crecemento comercial da empresa
VILLARES AMOSA A SÚA SATISFACCIÓN POLO CONVENIO ECONÓMICO SUBSCRITO HOXE ENTRE A XUNTA E CERÁMICA DE SARGADELOS
• Este acordo permitirá manter os postos de traballo da planta cervense.
Cervo, 18 de novembro de 2010.- O Alcalde de Cervo, Alfonso Villares amosou a súa satisfacción polo convenio asinado hoxe entre a Consellería de Economía e Industria e a Cerámica de Sargadelos que, entre outras cuestións posibilitará -“o que para nos é o máis importante”- o mantemento dos actuais postos de traballo. O acordo ten por finalidade revitalizar o plan de expansión e de crecemento comercial da empresa grazas ao apoio decidido da Xunta de Galicia.
O rexedor explicou que foron moitas as xuntanzas que tiveron lugar nas últimas semanas “a dúas e a tres bandas” entre o Goberno municipal de Cervo, a empresa e responsables da Xunta de Galicia. A intermediación do Executivo local sempre tivo por obxecto facer o posible para garantir a viabilidade da empresa e consolidar o actual cadro de persoal. De feito, a empresa adquiriu o compromiso de non executar o despedimento durante o 2011 desas 18 persoas que neste momento estaban afectadas polo ERE de extinción e substitúe esta media por un ERE temporal que xa conta co visto e prace dos propios traballadores, “apoiado de xeito maioritario nunha xuntanza mantida no día de onte”.
AGRADECEMENTO Á IMPLICACIÓN DO PRESIDENTE DA XUNTA
Alfonso Villares insistiu en que a día de hoxe son moitas as empresas que están a atoparse con enormes dificultades derivadas da crise económica. “Compañías de todo tipo, incluso de produtos básicos, un ámbito de actividade moi diferente do que desenvolve Cerámica de Sargadelos”. Neste contexto, polo tanto, cómpre agradecer dun xeito especial á Xunta de Galicia o compromiso que está a ter coa empresa cervense e cos seus traballadores. Un compromiso que personifica “de forma moi destacada” na figura do propio Presidente da Xunta, Alberto Núñez Feijóo “pola súa axuda e polo impulso que supón a implicación da administración autonómica neste asunto, que esperamos sirva para que Cerámica de Sargadelos poida levantar o voo e manter a súa vida con este mesmo cadro de persoal”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
