18 de Setembro de 2019

Correo | Favoritos  | Imprimir   

O BNG de Barreiros di que o alcalde estase a converter en xuíz tras a denuncia dun construtor contra a secretaria municipal

11-01-11

Nota de prensa

O BNG DE BARREIROS CRITICA QUE O ALCALDE SE ESTEA A CONVERTER EN XUIZ TRAS A DENUNCIA PRESENTADA POR UN CONSTRUCTOR CONTRA A SECRETARIA MUNICIPAL. OS NACIONALISTAS CONSIDERAN QUE É ALFONSO FUENTE O QUE ESTÁ A CREAR ALARMA SOCIAL E UNHA MALA IMAXE DO CONCELLO EN TODO O ESTADO.
Barreiros, 11 de xaneiro de 2010. O BNG de Barreiros critica que o alcalde se estea a converter en xuiz tras a denuncia presentada por un constructor contra a secretaria municipal. O rexedor suspendeuna de funcións nas últimas horas por un período de seis meses mentras se investiga dita acusación. Os nacionalistas culpan a Alfonso Fuente Parga da mala imaxe que hai de Barreiros na comarca, en Galiza e no resto do Estado.
O portavoz do BNG en Barreiros, Antonio Veiga, sinalou que “nós sempre dixemos que si ten que actuar a xustiza que actúe e decida, pero desde logo que non é de recibo que o alcalde se converta en xuiz. O que estamos a ver estes días é que o propio alcalde, en lugar de de ocuparse das súas funcións de rexedor que as ten bastante abandoadas, agora se converte en xuiz e se sitúa por enriba do ben e do mal. O expediente que se abriu que siga o seu curso, pero nós entendemos que quen ten que decidilo e quen ten que falar é a xustiza. Cremos que obviamente está ao tanto de todo o que ocorre en Barreiros porque, segundo di a prensa, o promotor que denunciou o caso das escoitas e das grabacións tamén o puxo en mans da xustiza”.
Aos nacionalistas non lles parece de recibo o que di o señor alcalde a respecto das contas xerais dos anos 2006, 2007 e 2008, “concretamente o pasado mes de novembro celebróuse un pleno extraordinario para aprobar esas contas xerais, curiosamente esa sesión se fixo coa máxima celeridade e urxencia sen reunir antes á comisión especial de contas para que se puideran estudiar por parte dos grupos da oposición. Esas contas tampouco estaban informadas por intervención e nese mesmo pleno desde o BNG e desde o resto dos grupos da oposición se pediu que intervira a secretaria para aclarar todo o que había arredor desas contas e fóille denegada a palabra polo propio alcalde. E o que aínda é máis grave a propia secretaria pediu de motu propio a palabra e tamén lle foi denegada esa posibilidade”. Veiga Outeiro pregúntase “quen está aquí cometendo irregularidades e por qué o alcalde non quere que fale a secretaria. Iso será o que terá que respostar o señor Alfonso Fuente Parga a todos os veciños de Barreiros. Hai que lembrar que esas contas (2006, 2007 e 2008) non foron só requeridas polo Consello de Contas senón que tamén foron requeridas polo Tribunal de Cuentas, órgano estatal, porque Barreiros levaba tempo sen presentalas”.
O 2006, ano crucial
O voceiro do BNG lembra que “o 2006 é un ano crucial en todo o que acontece en Barreiros, porque foi o ano no que máis se ingresou en concepto de licencias, neses orzamentos había previstos 1.990.000 euros de ingresos por licencias e curiosamente a conta xeral do 2006 non foi aprobada, non foi informada por intervención e non foi enseñada cos debidos informes aos membros da oposición. Sobre o ano 2006 a secretaria municipal quería falar e o alcalde non lle deixou facelo, entón ¿qué é o que agocha Alfonso Fuente Parga nos anos 2006, 2007 e 2008? ¿Por qué non se mandaron en tempo e forma ao Consello de Contas e ao Tribunal de Contas esas contas? Iso é o que ten que explicar Alfonso Fuente e non voltar de novo con cortinas de fume abrindo un expedente, que ademáis lles crea problemas aos veciños e ao funcionamento do Concello e crea tamén unha mala imaxe de Barreiros”.
Antonio Veiga considera que “a mala imaxe de Barreiros non só na nosa comarca, senón en Galiza e no resto do Estado é desde que Alfonso Fuente Parga é alcalde, senón non hai máis que ir ás hemerotecas. No 2005 entrou Alfonso Fuente por substitución de rexedor e no 2006 empezan todos os follóns de Barreiros. Menos cortinas de fume e menos xogar a ser xuices, o señor alcalde de Barreiros ten que exercer de rexedor, unha función que ten bastante esquecida e polo tanto tamén ten esquecidas as necesidades dos veciños, cunha rede viaria totalmente abandoada e sen un céntimo para poder arranxala, o famoso centro de día prometido para os nosos maiores segue no limbo e continuamos sen servizos e sen dotacións non só na costa senón tamén nas parroquias do interior”.
Desde o BNG entenden que “a verdadeira alarma social entre os veciños de Barreiros creouna o propio alcalde cando todos vimos na prensa que Alfonso Fuente tiña que ir declarar ao xulgado de Mondoñedo por conceder 44 licencias con informes xurídicos desfavorables. Él é o responsable desas irregularidades e por iso tivo que ir ao xulgado de Mondoñedo e a xunta de goberno do ano 2006. E aplicando a mesma premisa que él aplica sobre a secretaria tamén habería que apartar ao alcalde de Barreiros durante unha temporada do seu posto, porque coas súas actuacións sí que está a crear unha alarma social. Non é normal que un alcalde estea indo un día sí e outro tamén ao xulgado de Mondoñedo a declarar polas irregularidades que a xustiza advirte no Concello”.
Veiga Outeiro subliña que “non hai que esquencer, tal e como advirten hoxe os medios, que a secretaria de Barreiros é testigo clave na causa aberta contra o rexedor. Cada un que saque as súas propias conclusións, nós xa as temos sacadas e as acabamos de manifestar”.

Website Pin Facebook Twitter Myspace Friendfeed Technorati del.icio.us Digg Google StumbleUpon Premium Responsive