O CONCELLO CAMBIARÁ MAÑÁ VENRES OS COLECTORES DE RECOLLIDA DO ACEITE VEXETAL DOMÉSTICO POR UNS NOVOS NOS QUE SERÁ POSIBLE DEPOSITAR ESES RESTOS DIRECTAMENTE EN BOTELLAS. PATRICIA LÓPEZ AGARDA QUE ASÍ O SISTEMA DE RECOLLIDA MELLORE E SE INCREMENTE A SÚA UTILIZACIÓN. ADEMÁIS OS HOSTALEIROS E INDUSTRIAS QUE O DESEXEN DISPORÁN DUNS ENVASES ESPECIAIS. O ÚNICO QUE TEÑEN QUE FACER É POÑERSE EN CONTACTO COA DELEGACIÓN DE MEDIO AMBIENTE.
Burela, 9 de febreiro de 2012. O Concello cambiará mañá venres os contedores de recollida do aceite vexetal doméstico por uns novos colectores nos que será posible depositar ese aceite usado directamente en botellas. A edil de Medio Ambiente, Patricia López Eijo, explica que “se retirarán as 10 unidades existentes na actualidade e colocaránse nunha primeira fase catro colectores co novo sistema. Se este sistema funciona, nunhas semanas instalaríanse os outros seis e a finais de ano dous máis”.
A concelleira popular lembrou que “en abril de 2008, dada a importancia de xestionar correctamente os residuos de aceites vexetais domiciliarios e para evitar a vertedura dos mesmos á rede de sumidoiros, o que supón unha elevada contaminación da auga, o Concello de Burela implementou un servizo de recollida destes residuos a pé de rúa, coa instalación de dez colectores nos que o depósito dos residuos se realizaba por baleirado do aceite a través dun colador situado no propio colector”. López Eijo indicou que “a resposta dos veciños a esta iniciativa foi nun principio positiva, recolléndose dende abril a decembro do 2008 un total de 5244 litros de aceite usado, co cal se evitou unha contaminación de 5.768,4 m3 de auga. Sen embargo, a recollida de aceite foi decaendo ano a ano e así no 2009 recolléronse 4.660 litros, no 2010 foron 3.700 e xa no 2011 só se depositaron nos colectores habilitados para ese fin 1.760 litros de aceite vexetal doméstico”.
Coa chegada ao Concello do novo equipo de goberno, éste atopouse con numerosas reclamacións de veciños que reivindicaban que se tomaran medidas nos emprazamentos dos contedores de aceite, “posto que a miúdo aparecían envases con residuos e mesmo aceite na beirarrúa ao pe dos colectores, algo que daba un aspecto nada adecuado para o pobo”. Ante todas estas reclamacións e á vista do descenso considerable na recollida do aceite que se viña producindo nos últimos anos, a Concellería de Medio Ambiente constatou a necesidade de proceder á modificación do servizo. Patricia López Eijo anuncia que “así cambiaranse os colectores actuais por outros nos que se pode depositar directamente o aceite envasado no seu interior. É dicir, agora non se vai verter o aceite a través dun colador, senón que se depositará a propia botella directamente no contedor”. A edil de Medio Ambiente pídelle aos veciños de Burela que “pechen ben as botellas antes de tiralas no colector, para evitar derrames no interior, e que por favor non deixen as botellas ao pe do colector, senón que as depositen dentro do mesmo”.
Maña venres, 10 de febreiro, a partires das 9 da maña procederase á retirada dos 10 colectores de aceite actuais e colocaranse, nun principio, 4 co novo sistema para ver a eficacia do seu funcionamento. Patricia López indica que “si o novo sistema da bos resultados, a finais de mes está previsto que se coloquen os 6 colectores restantes, e para decembro colocaranse 2 máis, co cal incrementaríanse o número de contedores en 2 unidades”.
A selección da ubicación dos 4 contenedores de proba realizouse en base aos datos dos últimos anos. Colocaranse nos puntos onde máis aceite se recolleu de media, e son estes: Av. da Mariña, fronte á praia do Portelo; rúa pardo bazan, nº 3; e rúa Rosalía de Castro, nº 47 e nº 80.
Esta mellora do sistema de recollida do aceite usado “non lle vai supoñer ningún custo ao Concello, posto que dende a Delegación de Medio Ambiente, explicóuselle á empresa de recollida os continuos problemas que nos estaban causando os actuais colectores, e conseguimos que nos fixera o cambio completamente gratuíto. Ademáis a empresa de recollida comprometeuse co Concello a prestalo servizo de recollida de aceites de cociña usados de forma gratuíta en tódolos locais de hostalería, colectividades e industrias que así o demanden. Sen embargo, esta recollida non se efectuará nos colectores situados a pé de rúa, senón que se efectuará en envases especiais e adecuados para este fin, cunha capacidade de 50 litros, que a empresa de recollida entregará aos distintos locais de hostalería que así o desexen. Polo tanto, todos aqueles locais de hostalería, colectividades e industrias interesadas neste servizo que se poñan en contacto coa Concelleira de Medio Ambiente”. Patricia López agarda que “este novo sistema facilite a recollida de aceite e que esta recollida vaia en aumento.”
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
