O CENIMA ten aberta a nova exposición colectiva. Dezaseis xoves artistas, seis deles mariñáns, xuntáronse para presentar unha proposta común baixo o título “Déixame FozArte”, exposición coa que queren facer unha chamada de atención sobre a necesidade que ten A Mariña dun espazo de difusión e creación artística como o CENIMA, que representa unha oportunidade para todos aqueles novos artistas que coma eles queren amosar as súas creacións e contribuír con isto a un rexurdimento cultural da comarca.
A exposición plantexa unha ollada crítica ó automatismo da sociedade actual tomando como referencia a un individuo cuxa vontade se ve asfixiada polo peso da maioría. Lonxe de constituír unha crítica baleira, reclaman a recuperación da identidade individual de cada un de nós fronte á anemia existencial na que está sumida a sociedade contemporánea.
Os artífices desta iniciativa son Liseth Arellano, Patricia Arellano, Cristina Basanta, Nerea Carpente, Andrea Chao, Manuel Hidalgo, Laura Molero, Martín Lestao, Iria Parga, Rocío Piñeiro, Sandra Prieto, Bea Puerta, Sabela R. Zamudio, Ana Sánchez, Covadonga Seijas e Pera, todos eles son estudantes na Facultade de Belas Artes de Pontevedra. As pezas que conforman a mostra son o resultado de diferentes disciplinas artísticas que van desde a pintura, a escultura, a fotografía analóxica e dixital, ata creación de instalacións ou a realización de performance.
Segundo eles mesmos din “a idea xeral da exposición é unha mirada introspectiva, unha reminiscencia e procura de información dentro dun mesmo. Un xogo de identidade, expresivo e provocador no cal a sociedade posúe un papel importante; marca un camiño, un comportamento, unha actitude, pretendendo a conformación dunha masa autómata que tan só mostra ó mundo o reflexo que recibe da mesma, creando así unha imaxe errónea de nós mesmos”.
Ó rachar cos estereotipos “créase unha reinterpretación do individuo, a expresividade dos sentimentos, emocións e recordos conta a gritos unha realidade, a creación de ambientes e atmósferas específicos forma unha nova realidade que xunto coa aparición de imaxes cotiás cambia o significado do reflexo interior de cada un”.
Ó obxectivo é incitar ó espectador a realizar ollada introspectiva, ver o que somos ou o que puidemos chegar a ser.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
