O BNG DE FOZ AFIRMA QUE O GOBERNO DO PP ATRACA AOS CONCELLOS COS PLANS DE AXUSTE PARA DARLLO AOS BANCOS
“Ao PP non lle importa que o cidadán sufra; o que lle importa é satisfacer os intereses da banca a toda costa ”
Foz, a 15 de maio de 2012.- O BNG de Foz ratificase na súa decisión de votar en contra do Plan de Axuste presentado polo goberno municipal en marzo, porque cada día que pasa demostrase que representaría unha hipoteca a longo prazo para o Concello, subindo impostos e taxas, recortando servizos públicos, empeorando as condicións laborais dos empregados/as públicos e destruíndo aínda máis emprego.
O BNG xa daquela tiña claro que o Plan de Axuste estaba pensado para que os grandes beneficiarios foran a banca e as grandes empresas, non as pequenas e medianas empresas. E tamén o BNG criticaba a total improvisación do goberno central en impoñer ditos plans, improvisación que o levou a ir modificando continuamente a normativa. Agora demostrase que efectivamente o Goberno do PP actuaba así por mandato da banca e non polo interese común. “Nada lle importa ao PP que a xente sufra, que perda o seu traballo, que se lle suban os impostos ou se lle recorten os servizos sociais e sanitarios. O que realmente lle importa é satisfacer os intereses dos bancos e do capital” di Xan Carlos González Basanta, o portavoz municipal do BNG.
Pero é que ademais o Goberno do Estado actuou con total impunidade e engano, deixando aos Concellos totalmente abandonados á súa sorte. Todos os concellos que aprobaron o seu plan de axuste fixérono pensando en pagar uns intereses que agora modifican e aumentan nada menos que case en 2 puntos. Pasan do 5,5% como se prevía nun principio e polo que os concellos fixeron os cálculos, a un 7,25% de xuros. É unha auténtica tomadura de pelo que o Estado obrigue aos Concellos a contratar un crédito cos bancos a un interese e despois o aumente”.Poñendo por caso ao concello de Foz, cunha débeda de 1.233.365 €, suporíalle máis de 500.000 euros de intereses ao longo dos dez anos, máis de 80 millóns das antigas pesetas, que poderían valer para crear emprego, ampliar a axuda do fogar a máis familias ou empezar a construción da residencia. “É unha desvergoña que os bancos, en complicidade co goberno do PP, cobren aos concellos o 7,25% de interese cando reciben millóns de euros dos bancos centrais europeos ao 1%. Non hai dúbidas para quen traballa o PP” asegura Basanta.
Para o BNG tampouco é de recibo que non haxa constancia a estas alturas de cal vai a ser opción que se lles da aos concellos que non aprobaron o Plan de Axuste –como o de Foz- ou que non pasaron o “test” do Estado. O PP no goberno está “esperando ordes dos mandamases” que segundo parecen pasan pola retención ao Concello de Foz do 50% da recadación na participación dos tributos do Estado que ascenderían ao ano sobre uns 700.000 €, sen darlle ningunha outra posibilidade de pago. Tampouco sabemos cales van a ser os xuros que imos a pagar todos os veciños e veciñas de Foz por adiantar desta maneira o pago. “Espero que o Estado non as tome cos concellos que non quixeron entrar polo seu aro porque entón xa estariamos falando de “terrorismo institucional””, aseverou Basanta.
De calquera forma o BNG pensa que Foz saíu gañando con a súa decisión e está satisfeito por non votar un Plan de Axuste que como se ve agora hipotecaba ao Concello e facíalle pagar máis de 500.000 euros de xuros aos bancos á parte de impoñerlle unhas medidas que supuñan máis subas de impostos e taxas -como o IBI, taxa da auga, imposto de vehículos, taxas por escolas deportivas, etc.-, os recortes e privatizacións de servizos sociais e a nula creación de emprego durante o tempo de financiamento do préstamo.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
