O Goberno Local de Lourenzá promoveu coa S.A. do Xacobeo obras de arranxo nunha pista forestal por mais de 100.000 euros sen ter claro si esta formaba parte do Camiño Norte de Santiago.
O nacionalista pregúntase si cando o goberno local promoveu o financiamento da S.A. do Xacobeo para o arranxo do camiño contaba con informes técnicos que avalaran que este era parte do Camiño Norte ou so se dedicaron a malgastar o diñeiro público.
Os nacionalistas defenderán no pleno o mantemento nas achegas da Xunta para o SAF básico xa que se pon en xogo o servizo e postos de traballo de moitas persoas.
Lourenzá, 15 de maio de 2012. O BNG de Lourenzá cualificou de “política do desconcerto” unha iniciativa do goberno local a debate na sesión plenaria do próximo martes onde o goberno local corríxese a si mesmo ao negar agora a coincidencia dun tramo do Camiño Norte ao seu paso pola Parroquia de San Xurxo onde a S.A. do Xacobeo executou recentemente obras por importe de mais de 100.000 euros e que agora, segundo o propio goberno local, xa non está claro que forme parte dun dos trazados do Camiño de Santiago. Os nacionalistas pregúntanse si as actuacións executadas pola S.A. do Xacobeo e promovidas polo goberno local contaban con informes técnicos que avalaran a súa pertenza ao Camiño Norte xa que de non ser así, ademais de causar importantes prexuízos económicos a propietarios forestais que non poden neste momento aproveitar ese treito para sacas de madeira, estariamos diante dun malgasto de cartos públicos que supera os 100.000 euros.
Dende que o goberno local coa colaboracións financeira da S.A. do Xacobeo executou obras neste camiño aos propietarios forestais non se lles permite o uso desa pista para as súas labores causando xa cuantiosas perdas económicas.
O portavoz municipal do BNG de Lourenzá acusou ao goberno local de “rirse da xente e malgastar cartos públicos no arranxo dun camiño que nin serve ás necesidades dos veciños, nin como recoñece o propio goberno local ten uso por parte de peregrinos, nin ten avalada a súa condición de Camiño Norte de Santiago” . Cesar Docampo dixo “non saír do seu asombro” ao ler a proposta que o goberno local levará a pleno o vindeiro martes na que “textualmente” pide que se estude “en base a criterios técnicos e históricos o trazado do Camiño Norte na súa entrada en Lourenzá dende Trabada polo barrio de San Lourenzo(Parroquia de San Xurxo) a fin de delimitar esta variante, e en calquera caso, fora da pista forestal aberta polos veciños para mellor aproveitamento forestal”. Cesar Docampo aclarou que foi o propio goberno municipal quen promoveu e a S.A. do Xacobeo quen executou obras nese tramo, polo que agora se demostra, sen ter informes técnicos e históricos que avalaran a súa pertenza ao Camiño Norte, “ É inconcibíbel e demostra a pouca seriedade do goberno local e autonómico que se malgasten mais de 100.000 euros nunhas actuacións que ademais de non contar con avais técnicos e históricos que acrediten a súa necesidade, causaron prexuízos económicos para os veciños ao non permitir o paso de maquinaria pesada para labores forestais e sacas de madeira”
O BNG critica o recorte da Xunta no financiamento do SAF que pretende deixar a cero as súas achegas a concellos de menos de 20.000 habitantes.
Cesar Docampo defenderá no pleno do martes a necesidade de que a Xunta manteña as axudas ao concello de Lourenzá para o servizo de Axuda no Fogar(SAF) que de acordo co Decreto 99/2012 pretende deixar a cero desentendéndose das súas obrigas e derivando a totalidade do financiamento na Area de Benestar da Deputación que xa aportou no 2011 mais fondos que o goberno galego e neste ano incrementou nun 20% en relación a 2011. “O nacionalista acusou ao Partido Popular de insensíbel e de estar mais pendente de salvar á banca privada que en atender as necesidades da xente” , en relación aos 15.000 millóns de euros que o goberno do estado lle aportará a Bankia ao tempo que recorta nun 48% as transferencias ao Plan Concertado.
Docampo puntualizou que a Consellaría de Benestar só atenderá nos concellos de menos de 20.000 habitantes, como é o caso de Lourenzá, a persoas co certificado de dependencia(PIA) con fondos que proveñen de transferencias do Estado e que neste ano se rebaixaron en 18 millóns de euros. Ao tempo destacou que no caso de Lourenzá as achegas da Xunta en relación á Deputación de Lugo no Servizo de Axuda no Fogar Básica, xa foron menores no 2011, e no conxunto da Provincia incrementou dos 500.000 euros de 2011 aos 600.000 de 2012 mentres a Xunta pasou de 1.136. 0000 no 2010 a 454.000 no 2011 e pretende cero euros no 2012.
Para mais gravidade, Docampo lembrou que o propio Consello Consultivo de Galiza “pon negro sobre branco” tachas de legalidade sobre o Decreto 99/2012 pola tramitación do decreto e observa a carencia do preceptivo informe dos Servizos Xurídicos da Xunta.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
