Lugo, 27 de febreiro de 2013.- A delegada territorial da Xunta en Lugo, Raquel Arias, subliñou hoxe que o total dos accidentes laborais rexistrados en Galicia descendeu en máis dun 53% nos últimos catro anos.
No eido da construción, desde o ano 2008 ata a actualidade, os accidentes descenderon nun 68%, unha baixada que tamén se reflicte nos índices de incidencia, aqueles que sinalan o número de accidentes por cada 10.000 traballadores. De feito, entre 2008 y 2012 dito índice diminuíu nun 43%.
Arias foi a encargada de clausurar a xornada ‘Accidentes laborais no proceso edificatorio’ e destacou que a prevención de riscos laborais é unha materia de gran importancia para o departamento autonómico, o que se traduce nun pronunciado descenso dos accidentes laborais. Para a máxima representante do Executivo galego na provincia constitúe “un logro conxunto, que estamos a conseguir entre todos: empresas, traballadores, axentes sociais e administracións”.
Arias apuntou que a mellora neste eido contribúe a que as empresas poidan mellorar a súa eficiencia e rendibilidade mediante a redución dos accidentes laborais, o aumento da produtividade e a satisfacción dos traballadores.
No sector da construción a aplicación da prevención de riscos laborais cobra aínda máis relevancia debido á perigosidade que vai aparellada ao seu desenvolvemento, por iso o Instituto Galego de Seguridade e Saúde Laboral (ISSGA) inclúe cada ano na súa programación accións específicas e actividades de colaboración e asesoramento ás empresas de construción.
Entre elas destaca o programa Cassco, de asesoramento técnico a pequenas empresas, que a Consellería de Traballo e Benestar está a desenvolver en colaboración coa Fundación Laboral da Construción. Esta iniciativa ten permitido o seguimento da prevención en 1.500 obras de edificación desde a súa posta en marcha en 2009.
Así mesmo, o programa de Grandes Obras consiste na supervisión e o asesoramento en prevención das principais obras civís de Galicia. Só en 2012 esta iniciativa incluíu actuacións sobre máis de 500 empresas. En concreto, na provincia de Lugo incluíu os traballos na autoestrada do Cantábrico (A-8), a autoestrada Lugo-Santiago (A-54), a estrada Sarria-Monforte, o vía de alta capacidade da Costa Norte, as obras do AVE no seu tramo de Láncara, e a rehabilitación do poboado Os Peares. E no 2013 seguirase supervisando estas obras, e ademais incluirase a construción do auditorio de Lugo.
Ademais, no último ano un total de 70 empresas déronse de alta no Rexistro de Empresas con Risco de Amianto (RERA) e 289 plans recibiron a aprobación dos seus plans de traballo por parte da Consellería, garantindo así a seguridade dos traballadores cando o seu labor é susceptible de expoñerlles a fibras de amianto.
Por último, actualmente hai 16.152 empresas no rexistro de empresas acreditadas no sector da construción en Galicia, que ten como misión manter un control das empresas que pretendan ser contratadas ou subcontratadas en Galicia para traballos en obras de construción, para o que teñen que aportar a súa organización preventiva.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
