12 de Decembro de 2019

Correo | Favoritos  | Imprimir   

O alcalde de Cervo felicita ó veciño de San Román José María Rúa polo seu 100 aniversario

05-07-14

homenaxe_centenarioCervo, 5 de xullo de 2014- O alcalde de Cervo, Alfonso Villares e a edil Pilar Armada visitaron este sábado a José María Rúa Fernández, veciño de San Román, que cumpriu 100 anos o día 24 de xuño. Villares e Armada felicitaron ao centenario polo seu aniversario, e entregáronlle un prato de Cerámica de Sargadelos co escudo do Concello en sinal de agarimo e recoñecemento. Durante a visita estiveron tamén presentes varios membros da familia, entre eles o seu fillo, a súa nora e a súa neta.

O rexedor deulle os seus parabéns e felicitouno “por manter ese bo humor tan particular que tivo sempre e por contaxiarnos a todos co seu positivismo”. Ao mesmo tempo, Villares transmitiulle todos os seus bos desexos de saúde e de benestar “por moitos anos máis”.

Nestes momentos José María Rúa é o home máis lonxevo do concello, non así o veciño de máis idade xa que hai unha muller de San Cibrao que xa chegou aos 101 anos.

Website Pin Facebook Twitter Myspace Friendfeed Technorati del.icio.us Digg Google StumbleUpon Premium Responsive