Ribadeo, 29 de decembro de 2014. Desde hoxe o PXOM de Ribadeo está vivo e é legal a todos os efectos, segundo ven de asegurar o alcalde, Fernando Suárez, que subliña que “Ribadeo é un dos poucos concellos do país da súa dimensión en ter un PXOM aprobado e acorde coas leis vixentes”. Este 29 de decembro o Boletín Oficial da Provincia publica a normativa e as ordenanzas do Plan Xeral de Ordenación Municipal.
O rexedor dixo que “no día de hoxe o Boletín Oficial da Provincia publica a normativa e as ordenanzas do Plan Xeral de Ordenación Municipal. Con iso damos cumprimento á orde da Xunta de Galicia de hai unhas semanas, na que ordenaba que isto fora efectivo para poder dicir xa que o novo PXOM de Ribadeo cobra vixencia e a partir de hoxe está vivo e legal a todos os efectos”.
Suárez Barcia sinalou que “enterramos por fin o plan do 77, que era antiquísimo, preconstitucional e que deu unha chea de problemas e enfocamos o futuro máis inmediato e a longo prazo con moita esperanza e ilusión con este Plan Xeral de Ordenación Municipal, que contou co apoio de case todos nesta Corporación, que deu un traballo ímprobo durante varias Corporacións, esta e a anterior sobre todo, e que contou tamén co apoio da Xunta de Galicia”.
O alcalde subliñou que “por fin Ribadeo é dos poucos concellos do país da súa dimensión en ter un Plan Xeral de Ordenación Municipal aprobado e acorde coas leis vixentes. Esperemos que sexa para ben e a partir de agora supoño que haberá moita xente, como xa ocorre estes días, que está vindo ao Concello para preguntar como pode facer para construír unha vivenda ou para outras cuestións lexítimas, que con todo o dereito poden facer, pero que ata este momento non era posible por ter vixente un plan moi vello que non cumpría coas expectativas do que a xente demandaba”.
Para Fernando Suárez “é unha moi boa noticia para rematar o ano, da que nos congratulamos en Ribadeo todos e todas”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
