Ribadeo, 15 de maio de 2015. A mariñá Marisol Moreda presentou esta semana en Murcia e en Caravaca de l Cruz a súa nova novela Un largo camino de rosas blancas. Coa venda do libro a escritora recadará fondos para destinar á investigación de enfermidades raras e á discapacidade.
Marisol Moreda subliña que “neste país hai 3 millóns de españois que sofren enfermidades raras e que precisan da sensibilización das administracións, da sociedade e dos medios de comunicación. O Ministerio de Sanidade debe ser consciente da importancia que a súa implicación e a súa axuda ten para estas persoas, para as que as sofren calquera tipo de discapacidade e para as súas familias”.
A escritora mariñá sinala que “por exemplo un neno, que nace con deformación craneal, precisará audífonos polos que os seus pais teñen que pagar ata 14.000 euros, como unha familia dunha clase media pode asumir este gasto? Sóbrannos cargos políticos e necesítase máis axuda para a investigación e o tratamento das enfermidades raras e tamén para a discapacidade. Estamos moi cansados de tanto cargo político, con tanto gasto é imposible que se atendan todas as necesidades destas persoas”.
Marisol Moreda, presidenta de honra da ONG Otro mundo es posible, estivo acompañada na Comunidade de Murcia por Juan Carrión, presidente da Federación Española de Enfermidades Raras.
Toledo e Madrid tamén acollerán senllas presentacións nas próximas semanas do libro Un longo camiño de rosas. En Foz haberá un acto o 3 de agosto na Casa da Cultura e o 5 de agosto en Ribadeo (Lugo). Posteriormente Marisol Moreda asinará exemplares do seu libro en Sevilla, Vigo, Valencia e outras cidades, así coma no Corte Inglés.
Con este libro Marisol Moreda recadará fondos para axudar á investigación de enfermidades raras e discapacidades. Non fai moito foi nomeada Presidenta de Honra de Otro Mundo es Posible (www.ong-otromundoesposible.org), membro de FEDER (Federación Española de Enfermidades Raras). O importe recadado farase público así como o destino dos fondos, sexan asociacións con poucos recursos e leste mesmo obxectivo ou familias concretas con problemas de discapacidade que acrediten a mesma.
Un largo camino de rosas blancas, é a historia dunha orfa nada na posguerra, que transcorre ata os nosos días. Sucesos ocorridos durante case 80 anos, onde algúns poderán verse reflectidos en maior ou menor medida. Unha novela escrita nun momento de crise onde convén recordar os esforzos pasados e os que teremos que seguir realizando. E é que a existencia ás veces, é difícil, ou moi difícil dependendo das circunstancias. Unha muller valente e pouco convencional. Unha historia de superación e de reflexión onde todo ten a súa por que.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continúa o sábado, a partir das 19.00 horas, coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
As persoas asistentes poderán degustar a tradicional merluza de pincho preparada en diversas elaboracións, nun ambiente festivo que se completará con animación musical para gozar dunha noite de sabor, encontro e bo ambiente.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
