O Vicedo 22-9-17. Este venres tivo lugar a presentación do curso de extracción da resina que se vai celebrar no Vicedo durante os próximos 3 fines de semana, chegando ao 15 de outubro.
En marzo deste ano a Asociación Nordés organizou unhas “Xornadas forestais” para falar dos usos do monte, máis alá do eucalipto, e do seu aproveitamento. A idea coa que naceu aquela xornada foi a de proporcionar alternativas para cuidar dos nosos montes, visibilizando proxectos a nivel nacional e local que podan ser tomados como exemplos para aquelas persoas que decidan ter un futuro na nosa bisbarra. Naquelas xornadas Fran Dominguez falara da potencialidade dos pinares da zona e das posiblidades de vivir do monte, a través dunha xestión integral e sostible. Co seu exemplo anunciouse hoxe este “Curso de extracción de resina” subvencionado pola Consellería de Política Social a través dos proxecto de Iniciativas locais dirixidas á xuventude e promocionado polo Concello de O Vicedo. Asistiron o Alcalde do Vicedo, o Encargado da OMIX, os monitores (resineiros) encargados de impartir o curso e a propietaria dos terreos onde se van facer as prácticas do curso.
Trátase dun curso gratuito dirixido nun principio á xuventude pero aberto tamén a outras idades e a intención é que dese curso saian futuros resineiros para traballar na comarca, que teñan unha opción laboral no territorio xa que hai plantas de pino suficientes en toda a zona como para que varias persoas poidan “vivir” da resina. Trátase de que os xóvenes poidan traballar no seu territorio, que se poida recuperar o monte, cuidar e ver outros posibles usos forestais.
Todos os asistentes á presentación mostraron a súa esperanza e ilusión en que este curso saia adiante co maior número posible de alumnos e que del saian futuros resineiros que se establezan na comarca, da mesma forma que hai noutros lugares de Galicia e de España.
Para obter máis información e formalizar a inscrición poden dirixirse ao mail alternativasforestais@gmail.com ou nos teléfonos 611 41 35 82 / 610 20 70 51.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
