O tempo voa, e petan na porta novos retos. Nos vindeiros meses xóganse as cadeiras dos concellos, pero non so iso, estamos ante as portas do futuro, as decisións, vivir ou morrer. Para iso precisamos de líderes preparados globalmente, con visión e misión.
Camiñamos cara un cambio, século XXI con mentalidade do XX. Despoboación do rural fronte ó urbanismo, a incursión das novas tecnoloxías que destruirán emprego, unha inestabilidade política mundial, a problemática do cambio climático, o comercio electrónico e loxística instantánea, o crecemento dos BRICS, países emerxentes, o Novo Banco de Desenrolo xa supera ó FMI ou o Banco Mundial, ou os grandes movementos migratorios derivados do crecemento poboacional…
Ainda que semellemos pequenos, o so batido dunhas alas, pode cambiar o mundo, o efecto bolboreta de Lorenz.
Temos que estar aí para aproveitar oportunidades dos “Ledos e Tolos anos 20”. Teremos que prepararnos para explorar e competir nun mundo que avanza. Aproveitar as nosas riquezas, os colchóns centenarios como o forestal, auga, mar ou minería. Exportar os nosos productos artesáns e ecolóxicos. Un turismo sostible, estable e desestacionalizado e que potencie o Patrimonio Cultural e Natural. Conservación, embelecemento urbanístico e medioambiental, que faigan da Mariña un oasis artístico e belo no deserto. Crear atmósfera emprendedora coma no noso pasado glorioso, e fortalecer vínculos fora da burbulla. Formación e Información, para ser sólidos.
Unha aposta forte por ideas e proxectos, por mentes lúcidas, unirnos, sentarnos xuntos e mancomunar servizos, marcas e texidos por sectores. Aproveitar de nomear embaixadores de A Mariña, ós nosos primeiros espadas, cerebros fugados, que temos moitos navegando polo globo, para que nos axuden a medrar, e ensalzar o mellor desta terra.
Os reis magos non existen, pero sí a ilusión de que nos traian axeitadas corporacións, altura de miras, máis compromiso social e unha ruta con futuro, poñer pedras para levantar muros e non para tropezar nos camiños, menos cousas vanales, máis acción fronte ó resentimento. Dícía o economista Galbraith: Si non pensas no teu porvir, non o terás.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
