Viveiro, 15 maio, 2019. O candidato do PP á Alcaldía de Viveiro, Óscar Rodríguez, deu a coñecer as medidas que desenvolverá no eido do benestar social. Por un Viveiro que “vive e no que contamos todos”, o popular compromete a creación dun novo centro de día ou servizo de atención diúrna para persoas maiores dependentes, un programa de envellecemento activo e unha escola de maiores. “Os nosos maiores deben ser sempre unha prioridade para todas as administracións e, especialmente, para o Concello”, indica.
O alcaldable tratou estas medidas, que desenvolverá “pensando e tendo como prioridade aos nosos maiores”, coa Conselleira de Política Social, Fabiola García, durante a visita que a responsable do departamento da Xunta de Galicia fixo hoxe á cidade.
Óscar Rodríguez explica que os veciños e veciñas demandan un centro de día mixto, que atenda a persoas con distintos graos de dependencia. “É un servizo moi necesario para mellorar a calidade de vida, ralentizando síntomas propios da idade”, engade.
A través do Programa Integral de Envellecemento Activo posibilitarase “a participación e dinamización social da veciñanza, con influencia na mellora da súa calidade de vida”, asegura. Este programa incluirá talleres de promoción de hábitos saudables e da actividade física, de estimulación cognitiva, de capacitación para as actividades da vida diaria, e de habilitades e creatividade. A Escola de Maiores é o espazo que se destinará ao desenvolvemento do programa de envellecemento activo, alternándose con outras instalacións municipais ou exteriores. O programa do PP tamén inclúe o compromiso de desenvolver un programa de acompañamento.
Coas familias e as persoas
Óscar Rodríguez defende que se está ante un programa “para todos” con medidas dirixidas a mellorar a calidade de vida das persoas e garantir o seu benestar. Pensando nas familias, o candidato popular defende a necesidade de crear en Viveiro un Punto de Encontro Familiar. Un servizo que preserva a relación entre as e os menores e as persoas das súas familias en situación de crise, procura a seguridade e o benestar das e dos menores, favorece a relación coas súas familias e facilita o cumprimento do réxime de visitas.
Ademais, o programa inclúe tamén a creación dun Centro de Emerxencia para Mulleres Vítimas de Violencia de Xénero e os seus fillos e fillas. Trátase dun centro de atención integral inicial, con carácter transitorio, das mulleres vítimas de malos tratos e dos seus fillos, que precisen un lugar de acollida con carácter urxente.
A maiores, Óscar Rodríguez desenvolverá un programa alternativo de ocio nocturno xuvenil, dirixido a mozos de entre 12 e 18 anos e outro de apoio á conciliación familiar nas vacacións. Trátase dun recurso complementario aos campamentos de verán que poida cubrir a segunda quincena de xuño, a primeira quincena de setembro e as vacacións escolares de Nadal. Ademais, esta demanda, unidade ao problema de inserción laboral que sofren as mulleres con fillos e fillas menores a cargo, da lugar á creación dunha bolsa de emprego cooperativo, mediante o cal as nais en situación de desemprego poderán inscribirse como coidadoras do programa.
Un Concello activo e saudable
O candidato do PP á alcaldía de Viveiro porá en marcha o Servizo Municipal de Deportes, dirixido por un profesional cualificado, coa participación dos distintos colectivos, clubs, colexios e asociacións deportivas, sendo as súas áreas de actuación o deporte escolar, deporte federado, deporte para todos, deporte adaptado e caza e pesca. No eido deportivo tamén comprometen a creación de zona de xogos tradicionais e populares e a habilitación dun área para o deporte ecuestre. Saúdos,Gabinete de Comunicación
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
