Lugo, 30 de xuño de 2019.- Máis de medio millar de rapaces e rapazas inaugurarán nos vindeiros días a campaña de campamentos e campos de voluntariado programada pola Consellería de Política Social para este verán na provincia de Lugo.
O delegado territorial da Xunta en Lugo, José Manuel Balseiro, explicou que se poñen en marcha os campamentos de Area (Viveiro), Portomarín, A Devesa (Ribadeo), Palas de Rei e Os Peares (Carballedo), así como os campos de voluntariado de Quiroga e Xermade, e a actividade “Conecta con Galicia” na capital, para maiores de 18 anos e na que poden participar mozos e mozas de orixe galega ou descendentes de persoas emigrantes galegas e que residan no exterior.
Balseiro sinalou que ao longo dos meses de xullo e agosto iranse sumando outras localizacións e sucedendo as quendas, ata alcanzar un total de 34 accións nas que participarán máis de 2.200 persoas organizadas en grupos de idade: os máis pequenos teñen entre 9 e 11 anos, e no outro extremo hai actividades para a mocidade, dos 18 aos 30 anos. A Campaña de Verán 2019 da Xunta de Galicia, que leva por lema “O verán que queres vivir”, supón na provincia un investimento de 725.018 euros.
Actividades
O campamento xuvenil da Devesa iníciase con dous grupos entre os días 5 e 14 de xullo para dúas propostas, “Multiaventura: ambiente e mar” e “Acampada a carón do mar”, con actividades similares adaptadas aos distintos grupos de idade, entre elas surf, kaiak-surf, bodyboard, snorkel con scooter, rocódromo, xeocaching, rastrexo, tiro con arco, xincana, aula de natureza, ruta e acampada, entre outros.
En Area, tamén do 5 ao 14, desenvolverase o campamento sobre “Ambiente mariño e náutica”, no que os rapaces e rapazas practicarán vela, windsurf, wakeboard, kaiak, aula da natureza mariña, snorkel, tiro con arco, xeocaptura, longboard, raid brúxula, skimboard, paddlesurf, cometas de tracción, palas e volei praia.
No campamento xuvenil Os Chacotes, de Palas de Rei, os participantes disporán nas mesmas datas de actividades de escalada en rocódromo, orientación, bicicleta de montaña, tiro con arco, kaiak, piscina, xogos activos, marcha e acampada, obradoiros da natureza e concienciación medioambiental ou carreiras de orientación.
Entre os días 1 e 8 de xullo, o albergue xuvenil Benigno Quiroga de Portomarín ofrece aos máis pequenos a actividade “A miña primeira aventura”, con vela, kaiak, bicicleta, patinaxe, tiro con arco, orientación, xeocaching, piscina, xogos activos, sendeirismo e acampada ou xincana de aventuras, entre outras propostas.
Tamén do 1 ao 8 comeza en Carballedo, nos Peares e a súa contorna, o “Adventure Camp”, con actividades en inglés, orientación, rappel, tiro con arco, kaiak, paddleboard, aula de natureza e piscina, entre outras.
Polo que respecta aos campos de voluntariado, destinados a maiores de 18 anos, o de Quiroga desenvolverase entre os días 2 e 13 de xullo e traballará no eido medioambiental, e o de Xermade realiza tarefas arqueolóxicas dende o 9 e ata o 20 de xullo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
