O Valadouro, 12 xullo de 2019.- A Consellería de Cultura e Turismo inviste 45.000 euros nos traballos de mellora dos parámetros interiores e de renovación da instalación eléctrica da igrexa parroquial de Santa María, en Ferreira do Valadouro.
O delegado territorial da Xunta, José Manuel Balseiro, acompañado de persoal técnico da consellería e do párroco da localidade, Fernando Monterroso, visitou o templo para comprobar o estado das obras, que continuarán durante as próximas semanas e estarán rematadas previsiblemente a principios de agosto.
Os traballos previstos son complementarios aos executados no 2016 que consistiron na substitución da antiga cuberta da igrexa, que estaba en mal estado e pola que se producían filtracións no interior. Esta obra financiouse con achegas da veciñanza e da Diocese.
Nesta ocasión a administración autonómica sufraga unhas actuacións que van dirixidas a corrixir aqueles elementos que presentan danos por antigas entradas de auga (manchas de humidade e mofos) e polo paso do tempo. Tamén está incluída a modernización da instalación eléctrica, xa obsoleta.
“Queremos que un dos monumentos máis significativos do Valadouro tanto desde o punto de vista patrimonial como relixioso, e moi en especial o interior do templo, recupere un aspecto digno e acorde coas actuais esixencias que demanda a veciñanza”-dixo Balseiro.
Actuacións previstas
A obra iniciouse con traballos previos consistentes na protección e retirada de elementos mobles e montaxe de medios auxiliares. Tamén se preparan as distintas superficies para aplicar unha nova pintura mineral a base de silicato potásico e pigmentos inorgánicos en solución acuosa, con acabado mate en cor branca.
Igualmente, está previsto actuar nos falsos teitos de madeira e pintalos con esmalte de cor branca e acabado mate. A continuación renovarase a instalación eléctrica, incluída á limpeza e adecuación das lámpadas mediante substitución de cables, portalámpadas e das actuais luminarias por luces con tecnoloxía LED.
Estilo neogótico
A igrexa está dedicada á patroa da localidade, Santa María, a imaxe e semellanza da pequena capela que se atopaba no pasado na praza principal de Ferreira. O templo data dos anos 20 do século pasado e está edificada con estilo neogótico, moi común naquela época.
O edificio, de planta de cruz latina, conta con tres naves e dúas sancristías nos laterais do presbiterio. A fachada principal é de cantería de granito, cunha porta oxival que se adianta un pouco do paramento. A parte central está caracterizada por unha esvelta torre con reloxo e campanario. O interior conta con falsos teitos de madeira pintada. A nave central a dúas augas inclúe unha bóveda de cruzaría.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
