Lugo, 12 de xullo, 2019. O Grupo Provincial do PP reclámalle a socialistas e nacionalistas que dean a coñecer o seu proxecto para a provincia. Os populares trasladan esta demanda despois de facerse público a través dos medios de comunicación que PSOE e BNG veñen de manter unha reunión para formar un goberno de coalición para os vindeiros 4 anos.
A voceira do Grupo Provincial do PP, Elena Candia, afirma que “os veciños e veciñas deben coñecer o proxecto de provincia que van levar a cabo, máis cando os dous partidos políticos con representación na institución provincial rexeitaron coñecer o programa que tiñamos para executar”.
A voceira explica que lles fixo chegar sendas cartas aos responsables do PSOE e do BNG para expoñerlle o seu proxecto, ofrecendo traballo e compromiso e ninguén quixo sentarse para coñecelo, polo que, precisa “entendemos que contan con un propio que deberan facer público canto antes en aras á transparencia”.
A popular considera que a convulsión que vive o PSOE, na que cada día os seus membros polemizan publicamente pola loita de poder, os veciños e veciñas merecen coñecer todos os detalles das persoas que van levar as rendas da Deputación de Lugo e os proxectos e accións que porán en marcha polo avance da provincia.
O proxecto do PP sólido e comprometido
O proxecto do PP estaba baseado en buscar a colaboración institucional entre as administracións, como un mecanismo de progreso. A acción de goberno para os vindeiros catro anos ía estar centrada en potenciar os servizos sociais, o emprego e desenvolvemento do sectores produtivos, a xuventude e a infancia, avanzar no reto demográfico, a mellora das infraestruturas ou a posta en valor do potencial mediambiental, cultural e turístico do que dispón a provincia.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continúa o sábado, a partir das 19.00 horas, coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
As persoas asistentes poderán degustar a tradicional merluza de pincho preparada en diversas elaboracións, nun ambiente festivo que se completará con animación musical para gozar dunha noite de sabor, encontro e bo ambiente.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
