20 de Novembro de 2019

Correo | Favoritos  | Imprimir   

Os socialistas do Valadouro demandan á Xunta o arranxo urxente da LU-163

14-08-19

 O Valadouro, 14 de agosto de 2019. Os socialistas do Valadouro enviaron un escrito á Conselleira de Infraestruturas e Mobilidade na que demandan o arranxo urxente da estrada LU-163. Este vial transcorre polo casco urbano en dirección a Cangas de Foz.

No escrito enviado á Xunta sinalan que “a estrada atopase moi deteriorada, principalmente no inicio, é dicir ao seu paso polo casco urbano, dando unha imaxe impropia da vila”.

Así as cousas os socialistas do Valadouro “lamentan a escasa implicación do Goberno de Feijóo na Mariña, concretamente no Valadouro onde os investimentos do PP brillan pola súa ausencia. Aquí só veñen a pasear e a sacar fotos, e por suposto, a torpedear todos os proxectos de futuro deste Concello como por exemplo a creación do parque empresarial”.

“Queremos vivir e traballar no rural, por iso demandamos boas vias de comunicación. Os veciños e veciñas do Valadouro teñen dereito a investimentos e a proxectos que contribúan a facer medrar o noso Concello”, resumiu Maseda.

Website Pin Facebook Twitter Myspace Friendfeed Technorati del.icio.us Digg Google StumbleUpon Premium Responsive