A Mariña, 11 de setembo, 2019. Hoxe, día 11, comezan as aulas de infantil e primaria no noso país, e hoxe mesmo tres centros da nosa comarca non están en condicións de recibir o alumnado nin de que o profesorado exerza o seu traballo nas condicións axeitadas.
No CEIP de Cervo a situación é indignante: non conta con cristais na cociña, nin cunha entrada independente. Disponse dun número limitado de baños en funcionamento. Continúan as obras na cuberta, no revestimento exterior e as instalacións. Varias zonas do colexio están restrinxidas, o que implica a necesidade dun novo plan de seguridade para garantir a integridade do alumnado e do profesorado. Por iso, a comunidade escolar decidiu protestar e as nais e pais non mandar as súas fillas e fillos á escola.
É de sinalar que o prazo de realización das obras do CEIP de Cervo estaba planificado para tres meses, tal como consta no cartaz das mesmas, mais foron iniciadas o 22 de xullo. Por tanto, a Consellaría foi sempre sabedora de que a día 11 de setembro non era posible comezar o período lectivo con normalidade e seguridade. Como se lle pode obrigar ao alumnado, e tamén ao profesorado, a entrar en locais onde está avisado, con sinais, que é obrigatorio levar casco?
A Consellaría de Educación está sendo totalmente irresponsábel e manifesta unha total falta de previsión, mais o que é máis preocupante é que non sexa capaz de recoñecer a situación e mande ocupar centros nas condicións descritas.
Do mesmo modo denunciamos que o CEIP de Foz número 1 e o CEIP Virxe do Carme de Burela presentan un estado inacabado das obras, con andamiaxes no exterior, limitando a zona de esparcemento e liberdade de movementos do alumnado, e con diversas aulas desmanteladas e inacabadas e sen as axeitadas condicións de hixiene.
Desde a CIG-Ensino reiteramos a nosa repulsa polo estado en que varias comunidades educativas teñen que iniciar o curso escolar, o noso apoio a todas as protestas e accións iniciadas e a esixencia á Consellaría de Educación de que se responsabilice da situación, sen esquecer a nosa máis dura crítica por esta ineficacia e falta de previsión.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
