Foz, 11 de setembro, 2019. Durante o mes de setembro realizaranse 7 mobilidades de alumnado e profesorado no IES de Foz, dentro do Programa Erasmus+.
A primeira delas é a de dous alumnos do Ciclo Medio de Cociña que realizarán tres meses de prácticas nun hotel de luxo no sur de Turquía, na rexión de Antalya.
Esta mobilidade está enmarcada dentro da modalidade Erasmus Pro do programa
KA102 “FAE”, concedido ao IES de Foz en xuño. As bolsas Erasmus Pro, para alumnos de FP, son de longa duración e están subvencionadas con 530 euros para o desprazamento e 3628 euros para a estadía.
Durante os primeiros días estará acompañada pola coordinadora Erasmus do IES de Foz, Leticia Maseda, quen, dentro dunha Bolsa Erasmus de acompañamento, axudará aos alumnos a instalarse no país e colaborará co centro turco de hostalaría “Sule Muzaffer Buyuk Mesleki ve Teknik Anadolu Lisesi” de Manavgat, socio Erasmus do IES de Foz, que titorizará os alumnos en Turquía o resto da estancia.
Este ano é a primeira vez que o IES de Foz conta cun programa Erasmus+ KA103 para Ciclos Superiores. Dentro deste programa, que empezou en xuño, temos dúas mobilidades a finais de setembro. O director do IES, Nicolás Asensio, e o noso inspector educativo, Javier Sánchez, realizarán unha mobilidade na rexión de Baden- Wurtermberg, en Alemaña. Durante seis días visitarán centros de FP de hostalaría da comarca, para ver in situ como traballan e como funciona o sistema educativo alemán. Ademais visitarán
empresas que colaboran coa FP Dual alemá.
Tamén dentro do KA103, dúas alumnas do Ciclo Superior de Dirección de Cociña traballarán en Italia durante dous meses. Realizarán prácticas no restaurante “Osteria Al Becco Della Civetta”, da nosa socia Erasmus María Antonietta Santoro, quen visitou o instituto en 2018 e acaba de abrir un novo restaurante en Matera, Capital Europea da Cultura en 2019.
O obxectivo destas actividades é principalmente o de aumentar a empregabilidade do alumnado e favorecer as súas perspectivas profesionais, ademais de mellorar a autocapacitación e autoestima, os coñecementos de linguas estranxeiras e ampliar a súa concienciación intercultural.
Mes de mobilidades Erasmus+ no IES de Foz
Relacionado
A restrición de circulación manterase durante a xornada mentres se desenvolvan os labores, que teñen como obxectivo garantir a seguridade viaria e facilitar a execución dos traballos. Durante este tempo, as persoas que necesiten acceder ás zonas de Santo Albites, Pénjamo ou San Lázaro deberán facelo polo acceso de Río dos Foles. O Concello de Viveiro agradece a comprensión da veciñanza e recomenda extremar a precaución e seguir a sinalización habilitada mentres duren os traballos.
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
Comezou o mércores ás 13,35 horas e para a súa extinción mobilizáronse, ata o de agora, 2 técnicos, 10 axentes, 20 brigadas, 17 motobombas, 3 pas, 3 helicópteros e 2 avións. 
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
O acto terá lugar ás 18:30 no paseo da Dársena, onde se instalará un hito que lembra a súa distinción como Fillo Predilecto de Navia. Tamén se descubrirá a placa dos gañadores absolutos da LXVII edición do Descenso, celebrada en 2025. “Moreno”, falecido en 2023, dedicou máis de seis décadas a impulsar esta cita deportiva, converténdoa nun referente nacional e internacional. A alcaldesa, Ana Isabel Fernández, destacou que foi “a alma máter do Descenso” e convidou á veciñanza e participantes a asistir ao acto de recoñecemento.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
