Viveiro , 8 de outubro de 2019. A Secretaria Provincial, Patricia Otero e o Presidente da Deputación, José Tomé Roca, encabezaron este martes a delegación socialista na xuntanza coa Ministra de Industria, Comercio e Turismo en funcións, Reyes Maroto, sobre o futuro da plante de San Cibrao. No acto tamén participaron Alcaldes e cargos orgánicos da Comarca da Mariña, así como os candidatos ao Congreso e ao Senado e o Secretario de Organización do PsdeG-PSOE.
Otero remarcou o compromiso do Goberno de Pedro Sánchez co futuro de Alcoa, cos seus traballadores e coas súas familias. “Estamos ante un reto de provincia, de país, polo que todos e todas debemos estar defendendo o futuro desta Comarca”. Ademais subliñou o compromiso realizado pola Ministra “que garante aos traballadores que este ano haberá 180 millóns para industrias electrointensivas por custos de CO2”
Criticou “a política industrial da Xunta que é completamente fallida, como demostra que Galicia é a comunidade autónoma de toda España que presenta un peor comportamento en produción industrial no que vai de ano”.
“Alcoa e a Comarca da Mariña precisan máis que nunca unha estratexia de pais clara, con propostas, con iniciativas que contribúan a fortalecer o noso tecido industrial”. E preguntouse “que fixo o Goberno de Feijoo por Alcoa: absolutamente nada de nada. Feijoo é un escapista profesional, que só ven á Mariña a queixarse sen ofrecer ningunha estratexia de futuro para os seus veciños e veciñas”, espetou Otero.
Xuntanza de traballo da Ministra
A Ministra de Industria puxo en valor o traballo do Executivo nacional xa que “adoptou medidas que están nas nosas mans: primeiro as dúas poxas de interrumpibilidad, por valor de 200 millóns, que no 2019 permitiron reducir a factoría eléctrica de Alcoa. E en segundo lugar, ampliamos as subvencións do custo de emisións de CO2 de 91 millóns ao máximo que permite a Comisión Europea”. E reafirmou o compromiso do Goberno de Pedro Sánchez “por manter o emprego e as condicións produtivas de Alcoa na Mariña”.
“Hoxe ponse en marcha unha mesa de seguimento de Alcoa San Cibrao, da que forman parte sindicatos, administracións, e grupos políticos na que se analizará o futuro deste empresa e as súas solucións”, resumiu.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
