27 de Novembro de 2020

Correo | Favoritos  | Imprimir   

A xunta de goberno da Deputación aproba unha actuación urxente en Magazos

22-11-19

 Lugo, 22 de novembro de 2019. Na Xunta de Goberno da Deputación de Lugo de hoxe aprobouse unha actuación con carácter urxente para acondicionar a estrada LU-P-6604, en Viveiro, na parroquia de Magazos. Trátase da vía que se viu afectada a semana pasada polo temporal de fortes chuvias e vento que propiciou que se tivera que cortar en dous debido aos desprendementos de terra que impedían o tránsito normal de vehículos por esta zona.

A Deputación investirá 52.732 € na execución desta obra, que fará a empresa adxudicataria dos labores de conservación de estradas nesta zona da Mariña lucense. A voceira do Goberno socialista fixo fincapé na “celeridade coa se deu resposta a este problema sobrevido, por causas meteorolóxicas, pois entendemos que se debe actuar con rapidez para poder restituír a circulación e garantir a seguridade viaria no menor prazo posible”.

Website Pin Facebook Twitter Myspace Friendfeed Technorati del.icio.us Digg Google StumbleUpon Premium Responsive