Burela, 6 de novembro de 2019. Na reunión da comisión especial de contas foi aprobada a conta xeral de 2018 do Concello burelés, que pechou o exercicio pasado cun remanente de tesourería de 3.500.000 de euros, cun aforro bruto de máis dun millón de euros e cun aforro neto de 922.000 euros. Para o alcalde, Alfredo Llano, estas cifras indican que as cousas se están facendo ben. O rexedor subliña que o Concello non ten practicamente débeda e que cumpriu coas obrigas normativas, como a estabilidade financieira ou a regra de gasto.
Llano explicou que “hoxe fixemos a reunión da comisión especial de contas. O propósito e o obxectivo era aprobar a conta xeral do exercicio 2018. E foi aprobada, dado que as contas do Concello de Burela están perfectamente levadas e dan uns resultados que son moi merecedores de optimismo”.
O alcalde salientou que “temos un remanente de tesourería de 3.557.000 euros, que é unha cifra enorme que nos vai servir posiblemente para financiar un maior volume de gastos para o ano que ven. Tamén temos un aforro bruto de 1.061.000 euros e un aforro neto, que nos vai servir para a execución do presuposto para o ano que ven, de 922.000 euros. Penso que esas cifras indican claramente que estamos facendo as cousas, dentro das nosas posibilidades, bastante ben”.
O rexedor engadiu que “practicamente non hai débeda, é moi escasa e ven derivada aínda de cando se fixo a escisión de Cervo e Burela, que naquel momento axudou a Xunta de Galicia cun préstamo do que agora mesmo xa non se pagan intereses, polo tanto enseguida vai vencer. Así que débedas cero no Concello de Burela”.
Alfredo Llano insistiu en que “temos un remanente moi grande de 3 millóns e medio de euros e iso indica claramente que non se fixo nada que superara os gastos sobre os ingresos, ou sexa, que se foron levando as cousas ben. Hai outra cousa que hai que indicar, que se cumpre sobradamente co que son as obrigas normativas, por exemplo o que son a estabilidade financieira e a regra de gastos, todo aquilo que dalgunha maneira condiciona como se teñen que levar as contas dun Concello, pois aquí estamos cumprindo todo”.
O alcalde manifestou que “esta conta xeral do exercicio 2018 ven contrastar dunha maneira moi solvente que o Concello de Burela agora mesmo está moi ben en cuestión de economía. Imos tratar de seguir así durante moito tempo para que o Concello poida, con garantía, facer as súas labores, os seus traballos, crear emprego dentro das súas posibilidades cando se contratan obras, e todo aquilo que sexa beneficioso para o conxunto dos nosos veciños e veciñas”.
O Concello de Burela pechou 2018 cun remanente de tesourería de 3.500.000 de euros. O Alcalde subliña que as cousas se están a facer ben
Relacionado
-
Investimento municipal de 15.000 euros para modernizar a seguridade no polígono de Vilalba
-
A Xunta incrementa nun 6,5 % os orzamentos da área sanitaria de Lugo, A Mariña e Monforte que acadan 746,8 M€ en 2027
-
O PP denuncia en Bruxelas a desconexión de Lugo e reclama o apoio de Europa ante o illamento e a falta de investimentos do Goberno do Estado
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
