Burela, 2 de decembro, 2019. A Organización de Produtores Pesqueiros de Lugo organiza este mércores 4 de decembro unha xornada sobre a valorización dos descartes na pesca. A xornada, que se organiza en colaboración con Armadores de Burela, terá lugar no salón de actos de ABSA, no porto de Burela (Lugo).
Desde as 10:15h ata as 13:30h sucederanse diferentes charlas de interese sobre a materia, agrupadas en tres bloques temáticos:
BLOQUE I: “Avaliación da obriga de desembarque desde a perspectiva de control”, a cargo de María Cristina Morgado, vice-xefa unidade de Augas Europeas e Atlántico Norte – Axencia de Control da Pesca (EFCA).
BLOQUE II: “Avaliación da implementación da OD na xestión pesqueira nacional e europea”, a cargo de Rafael Centenera Ulecia, Subdirector Xeral de Caladero Nacional e Augas Comunitarias – Ministerio de Agricultura, Pesca e Alimentación.
BLOQUE III: “Exemplo de valorización: posible aproveitamento de cabezas de tiburón”, a cargo de Genma Laso Rodríguez, CEO de Inxenia DT.
Ao finalizar a xornada, os asistentes disfrutarán dunha degustación de produtos pesqueiros con receitas variadas a base de especies descartadas ou de alto potencial comercial, representativas das diferentes modalidades de pesca da OPP7.
Esta acción está enmarcada no Plan de Produción e Comercialización 2019 de OPP Lugo e cofinanciada pola Xunta de Galicia e Fondo Europeo Marítimo e de Pesca.
OPP Lugo organiza este mércores unha nova xornada sobre a valorización dos descartes na pesca
Relacionado
-
Medio Rural reafirma a súa aposta pola conservación e impulso das razas autóctonas na Feira de Gando de Augaxosa en Riotorto
-
O BNG denuncia que o Centro de Saúde do Valadouro volve quedar cun só médico tras dous anos de recortes
-
O CFEA Pedro Murias de Ribadeo arrinca o curso cun novo ciclo superior e récord de estudantes
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
