O Valadouro, 22 de maio 2020. No pleno telemático celebrado no día de ontes polo Concello de O Valadouro, o BNG conseguíu que saira adiante a súa proposta de que as familias do Valadouro sexan beneficiarias tamén de axudas para o pago do recibo da luz, como venen facendo desde hai anos outros concellos nacionalistas, coma o veciño concello de Muras.
Desde o BNG levan traballando nesta iniciativa xa nos últimos dous anos, con charlas informativas coa veciñanza sobre este tema concreto, sendo moi ben acollida a iniciativa, e informando tamén sobre a necesidade dunha tarifa eléctrica galega.
100.000€ neste exercicio
A iniciativa defendida polo portavoz Eduardo Chao, resultou aprobada por maioría, no debate do suplemento de crédito que presentaba a alcaldía, conseguindo que se dotase con 100.000€ para o presente exercicio a partida 231-48 – Axudas destinadas a familias.
As familias do Valadouro poderán beneficiarse da enerxía producida polos 120 xeradores instalados no término municipal
Os nacionalistas formularon esta proposta tendo en conta por unha banda o excesivo prezo do recibo da luz que na última década subíu case o 80% para os consumidores finais, sobre todo desde a implantación no Estado do criterio dun sistema eléctrico único e de tarifa única, prexudicial para Galiza ao tratar por igual aos consumidores dos distintos territorios sen ter en conta a súa achega como produtores de enerxía, como é o caso de O Valadouro, que tén implantados no seu territorio 120 xeradores eólicos, e polos que percibe uns determinados ingresos, que según Eduardo Chao e Eliseo Teijeiro deberan ser mais elevados, a través do Fondo de Compensación Ambiental, sendo o cuarto concello de Galiza en número de aeroxeradores implantados.
Por outra banda, afirmaron tamén os concelleiros do BNG que “nun concello coma o noso, con baixas rentas, poboación envellecida e pensións baixas, entendemos que é obriga do concello mellorar a calidade de vida dos nosos veciños e veciñas, evitando que exista pobreza enerxética nos seus fogares. A riqueza que xera o noso concello co vento, debe repercutir de maneira directa nas persoas que viven neste territorio, ademais de compensar o impacto ambiental,: paisaxístico e acústico”.
Agora só queda elaborar as correspondentes bases para regular estas axudas e proceder a realizar a convocatoria desde o concello.
Outra emenda aprobada: 36.000€ para o Camiño da Pena, un vial que dá servizo e comunica aos concellos de O Valadouro e Alfoz
O pleno tamén aprobou outra proposta do BNG que consistía em destinar 36.000€ ao arranxo e adecuación do Camiño da Pena, unha demanda veciñal constante e que ata o de agora non fora atendida. Detraeríanse estes cartos doutras partidas indeterminadas de infraestruturas que normalmente viñan sendo utilizadas arbitrariamente pola alcaldía.
Esta proposta contou tamén co apoio dos outros grupos da oposición.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
