Santiago de Compostela, 21 de Maio 2020. O BNG remitiu un escrito á Xunta Electoral de Galiza para reclamar a adopción das medidas necesarias para que o voto por correo poder efectuarse con todas as garantías democráticas e sanitarias, tendo en conta un previsible aumento desta modalidade de sufraxio de cara á cita electoral do 12 de xullo.
En relación ás garantía democráticas, o Bloque fai fincapé no feito de que, -debido ao protocolo de seguridade por mor da pandemia-, o servizo de correos suprimiu a obrigatoriedade da sinatura á hora de recoller ou entregar un paquete ou unha documentación nunha oficina postal, co obxectivo de minimizar o contacto e o risco de contaxio por coronavirus.
Este protocolo de seguridade, sen embargo, “é incompatible co voto por correo con todas as garantías democráticas xa que, ao estar inhabilitado o sistema de sinatura, prodúcese unha inseguridade xurídica pois as solicitudes de voto, as documentacións e a entrega do voto realízase sen ningún tipo de sinatura por parte dos electores o que pode xerar graves problemas en canto ao desenvolvemento do proceso electoral”, explica o BNG no escrito remitido á Xunta Electoral.
No relativo ás garatías sanitarias, a formación que lidera Ana Pontón chama a atención tanto sobre a seguridade das persoas que queren exercer o seu dereito ao voto como a dos traballadoras e traballadores de correos, máxime cando todo apunta a un incremento do número de electores e electoras que optarán por este modalidade.
“O previsíbel incremento do voto por correo pode provocar o colapso das oficinas, pois nos anteriores e recentes procesos electorais xa se deron importantes problemas debido ao aumento das solicitudes, provocando atascos que fixeron necesario ampliar os prazos”, indica o Bloque no escrito, ao que hai que engadir “que moitas oficinas non están adaptadas a nova situación”.
Con esta argumentación, o BNG solicita á Xunta Electoral as medidas necesarias para un proceso electoral con todas as garantías democráticas no sufrazio postal, cunha identificación e conformidade da persoa electora e no que tamén se garanta a saúde de electorxs e traballadorxs. Igualmente, solicita que se adopten as medidas necesarias a fin de evitar o colapso nas oficinas, factor que tamen afecta á seguridade sanitaria.
“O obxectivo desta reclamación é moi claro: conseguir que o voto por correo teña as máximas garantías democráticas e sanitarias”, explica a coordinadora da Executiva Nacional, Goretti Sanmartín. “Por mor da pandemia prescindiuse da sinatura á hora de recoller ou entregar calquera tipo de documentación no servizo de correos, pero nun proceso electoral é necesario garantir a identidade da persoa que vota para que se faga respectando o principio básico de unha electora, un voto”, alega.
En relación a preservar a saúde en todo o proceso,- indica Sanmartín-, “hai que adoptar as medidas que permitan votar por correo con garantías sanitarias, tanto para quen deposita a papeleta como para os traballadores e traballadoras que recollen os sobres. Neste sentido, pedimos que se actúe con antelación para evitar calquera colapso nas oficinas de correos”, conclúe.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
