Lugo, 9 de xullo, 2020. Ante a información difundida esta tarde por un grupo de profesionais do distrito de A Mariña, dende o Servizo Galego de Saúde queremos deixar claro os seguintes aspectos:
O brote de Covid-19 que está a afectar ao distrito de A Mariña segue a ser unha arma electoral, cando non debería de ser así, pois neste momento, están adoptadas todas as medidas sanitarias necesarias para conter o brote, tanto de detección de todos os contactos que van xurdindo, como de diagnóstico e seguemento de todos eles.
Insistir, unha vez máis en que os casos dos que se está a informar diariamente dende o Servizo Galego de Saúde e dende a Consellería de Sanidade son os casos reais, e ofrécense diariamente, tanto ás autoridades locais como aos medios de comunicación (para coñecemento de toda a poboación) e ao propio Ministerio de Sanidade, na declaración que se fai a diario de casos de Covid-19 e que se remite ao citado Ministerio.
Salientar, ademais, que as persas que son positivas e se atopan no seu domicilio cumprindo o preceptivo illamento pola enfermidade son seguidas diariamente polos seus médicos de Atención Primaria, así como mediante teleasistencia desde o hospital, o que demostra que ditos profesionais aínda non coñecen como se está a traballar, tanto agora mesmo, como durante a pandemia, no seguimento dos casos no domicilio.
Ademais, faise un seguimento de todos os contactos, que leva a cabo o Centro de Seguimento de Contactos, e se nalgún momento é preciso que calquera deles precisen asistencia médica, son derivados ao correspondente servizo médico.
Todos os médicos de Atención Primaria dispoñen de toda a información clínica dos seus respectivos pacientes en relación con esta infección e a súa evolución. Insistimos, de cada un dos seus pacientes.
Por outra banda, incidir en que a actividade asistencial que se realiza tanto nos centros de saúde como nos hospitais desenvólvese de acordo aos diferentes plans de reactivación da actividade asistencial deseñados para a volta á normalidade, ao igual que no resto de actividades da vida diaria. E ditos plans ou protocolos adáptanse sempre á situación epidemiolóxica que en cada momento ten cada zona.
Finalmente, queremos resaltar o gran esforzo que están a facer todos os profesionais do distrito sanitario de A Mariña no seguimiento dos pacientes afectados por este brote, no diagnóstico de todos os casos e, en xeral, en toda asistencia sanitaria que están a prestar a toda a poboación de A Mariña, conxungando con gran profesionalidade a situación epidemiolóxica cunha atención segura e de calidade.
Remarcar tamén o enorme esforzo que están a realizar os servizos de medicina preventiva e vixilancia epidemióloxica no control e seguimento deste brote, que permitiu adoptar todas as medidas sanitarias necesarias para garantir a seguridade e a protección da saúde de toda a poboación.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
