A Mariña, 10 de xullo, 2020. A cabeza de lista dos populares lucenses, Elena Candia, acompañada dos candidatos Rosa Quintana (actual conselleira do Mar), José Manuel Balseiro e do voceiro do Grupo Municipal Popular de Viveiro, Óscar Rodríguez, mantiveron esta mañá un encontro por videoconferencia con representantes de Porto de Celeiro e da confraría de pescadores desta localidade viveirense.
A xuntanza serviu para salientar a batería de apoios postos en marcha pola Xunta de Galicia ao sector pesqueiro galego en contraste coa falta de axudas procedentes do Goberno de PSOE e Podemos. De feito, nas últimas semanas o Goberno Feijóo vén de impulsar liñas de axuda por importe de 77 millóns de euros.
Entre os máis recentes, a posta a disposición das confrarías e de lonxas dunha liña de apoios específicos para paliar a caída de ingresos durante a crise do coronavirus, como consecuencia da menor demanda de produtos do mar e do peche da hostalería e, hoxe mesmo neste ámbito, coa publicación de axudas para os buques pesqueiros con porto base en Galicia e ás redeiras que permaneceron en activo ao obxecto de compensar a perda de ingresos como consecuencia da pandemia.
SEGURIDADE XURÍDICA
Por outra banda, o Partido Popular insistiu na importancia de dar seguridade xurídica ás concesións en espazos costeiros. Neste senso, amosou a súa preocupación pola reforma que o Goberno central promove da Lei de Costas. Os populares explican que están en serio risco 250 postos de traballo directamente vinculados á continuidade das concesións que a nova normativa pode recortar na súa duración, facendo inviables os proxectos en marcha.
Por último, desde o PP tamén destacaron os últimos investimentos en apoio ao sector pesqueiro da zona, en particular, os dragados das dársenas de Celeiro e Viveiro ou as melloras no peirao celeirense.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
