Lugo, 10 de xullo de 2020. A Secretaria Provincial do PSdeG-PSOE na provincia de Lugo e candidata ás eleccións autonómicas, Patricia Otero esixiu hoxe luz e taquígrafos ao Goberno do PP ante rebrote de coronavirus. “Que está ocultando o Goberno de Feijóo sobre os casos positivos de COVID na Mariña Lucense, por qué se agochan?”, preguntou. E insistiu “os Alcaldes Socialistas queren coñecer cantos casos positivos hai nos seus Concellos, e demandan información completa e non sesgada como ata agora”, dixo.
Otero fixo esta afirmación tras coñecer que hai dous casos positivos de profesionais sanitarios no centro de saúde de Burela, que nestes momentos xa se atopan en illamento. E a maiores hai outros dous casos que tamén están cumprindo o illamento xa que tiveron contacto con estes positivos. Advirte que poden aparecer moitos máis afectados, xa que os profesionais estiveron traballando no centro e tiveron relación con todo o persoal.
A dirixente socialista sinala ademais que “o centro de saúde de Burela pode incluso chegar a quedarse sen profesionais sanitarios, ante este rebrote, debido a incompetencia do Goberno de Feijóo”. Por iso lembra que “cando o Executivo Central era o responsable sanitario en Galicia, o Presidente Feijóo insistía en reclamar probas de PCR para todos os sanitarios, pero agora que ten o mando non se lembra das súas propias esixencias”.
Tal e como sinalan as recomendacións sanitarias “son necesarios circuitos duais separados tanto no centro de saúde, como no hospital, para atender aos doentes. É dicir, que os sospeitosos de COVID non estean en contacto con outros. E confío, polo ben de todos, que estas medidas xa se estean executando”.
Feijóo está desaparecido da Mariña
A cabeza de lista ás eleccións autonómicas remarcou que as políticas de recortes en sanidade “son a irresponsabilidade dun PP que non está á altura de xestionar esta crise do rebrote do coronavirus na Mariña”. Dixo que “Feijóo está desaparecido da Mariña, logo de demostrar a súa irresponsabilidade cando pediu levantar o Estado de Alarma. Por iso a mellor forma de falar da reconstrución de Galicia é poñer á fronte da Sanidade a quen priorice o dereito á saúde de todos da man de Gonzalo Caballero”, resumiu.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
Unha comedia orientada para público infantil escrita e dirixida por Bea Campos. Hora: 18h.
No marco do 8M, esta empresa de comunicación e publicidade decidiu celebrar a súa traxectoria reunindo a 18 mulleres diferentes para compartir as súas experiencias no ámbito persoal e profesional, co obxectivo de render un homenaxe á muller.
No acto, organizado coa colaboración da Vicepresidencia da Deputación e a área de Cultura do Concello, entregouse o Premio do Público ao filme Antes de Nós, de Ángeles Huerta, a obra máis votada pola cidadanía. A deputada de Cultura Iria Castro destacou que este encontro serve como adianto da gala e subliñou o orgullo de converter Lugo no epicentro do audiovisual galego durante estas semanas cheas de actividades arredor dos galardóns.
Cabe sinalar que o concello de Castro de Rei solicitou xa a súa adhesión ao novo convenio de xestión da biomasa nas faixas secundarias asinado entre a Consellería do Medio Rural e a empresa pública Seaga. Destacou así que a prevención é unha tarefa compartida por administracións e propietarios. Sinalou tamén as importantes novidades que presenta este convenio con respecto aos anteriores acordos, como é o incremento do orzamento, que ascende ata os 25 millóns de euros anuais.
A charla será impartida por Diego Fernández Méndez, colaborador da asociación, quen repasará a evolución do sector conserveiro e o seu impacto económico e social no municipio. A actividade inclúe un recoñecemento ás mulleres traballadoras de Conservas Albo, coincidindo coa conmemoración do 8M, cunha mención especial ás últimas empregadas que pecharon esta etapa histórica. A xornada rematará cunha degustación de produtos da marca.