Burela, 20 de novembro de 2020. Os portavoces dos tres grupos municipais con representación na Corporación de Burela veñen de dirixirlle un escrito á Consellería de Sanidade para instala a que estude a activación socioeconómica do concello, mediante medidas alternativas ás actuais que manteñen pechados os establecementos hostaleiros e as entradas e saídas da vila desde hai días. No escrito solicitan tamén un reforzo dos rastrexadores e máis axilidade no resultado dos PCR.
O alcalde, Alfredo Llano, dixo “pedimos que se retire xa o confinamento e volver recuperar a mobilidade ao cen por cen. Tamén que se tiveran en conta unha serie de medidas para poder recuperar a actividade socioeconómica de Burela, desde logo respectando a seguridade sanitaria. Esa é unha cuestión que dixeron que ían transmitir ao comité clínico”.
O rexedor explicou que “desde o Concello de Burela, os tres grupos con representantes municipais: PP, BNG e PSOE, hoxe pola mañá mandamos unha nota dirixida á Xunta de Galicia, a través da Consellería de Sanidade, onde se fai fincapé nesta petición, dado que no concello de Burela están entrando e saíndo todos os días máis de mil persoas por temas laborais e outras circunstancias. Ademais en Burela tivemos no mes de xullo un brote moi forte, onde case se acadaron os 200 positivos simultáneos máis moita xente confinada, e entón tivemos a hostalería e outros negocios abertos e sen embargo conseguimos un resultado excelente, combinando o coidado sanitario coa actividade socioeconómica. Penso que agora mesmo estamos nas mesmas condicións de poder facelo e por iso o reclamamos”.
Para Llano “temos que ter a capacidade resolutiva de conseguir asentar este equilibrio entre seguridade sanitaria e a actividade socioeconómica. Nosoutros tamén solicitamos que haxa máis axilidade na conclusión dos PCR, que se fagan o antes posible, e tamén buscar a vinculación rápido para poder atallar os contaxios. Ademais pedimos que haxa máis rastrexadores, que cremos que son fundamentais, pensamos que se debe dotar de máis persoal e actuar o antes posible para romper a cadea de contaxios”.
O alcalde burelés subliñou que “hai unanimidade da Corporación na problemática que estamos tendo agora en Burela. Estamos para traballar e cumprir o obxectivo común, que non é outro que acadar un resultado positivo con respecto aos contaxios, pero ao mesmo tempo queremos que se vaian buscando solucións, que entre todos poidamos aportar, e saquemos algunha conclusión o antes posible. Con esta finalidade foi enviado este documento e aquí o positivo é que todos estamos de acordo en formular estas peticións”.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
