20 de Xaneiro de 2021

Correo | Favoritos  | Imprimir   

A Ordenanza de regulación do tráfico no casco de Viveiro sae adiante coas emendas do BNG

13-01-21

 Viveiro, 12 de xaneiro, 2021. Era na primeira reunión sobre a Ordenanza de regulación do tráfico no casco antigo de Viveiro, cando o BNG presentaba as súas emendas a unha Ordenanza na que os residentes nin figuraban nela, propoñía a suba de taxas, os postos de banqueta do mercado eran ilegalizados, os obradoiros das panadarías só podían meter un vehículo para cargar obrigando a ter que estar entrando e saíndo un número moito máis elevado de veces, etc.

Foron moitas as reunións nas que se modificou esta Ordenanza e incluso se tentou volver ao inicio con tal de non incluír as emendas do BNG, sen propostas de ningún outro grupo político e como non podía ser menos, tampouco da alcaldía onde o único interés da alcaldesa era aprobar a Ordenanza canto antes, saíse como saíse, facendo ouvidos xordos ás demandas e queixas mesmo da Asociación do Casco Antigo de Viveiro.

A portavoz do BNG, Míriam Bermúdez, despois de ver como nas diversas reunións o Goberno Local non incluía as emendas propostas polo BNG, deixou ben claro que si estas emendas non se incluían na Ordenanza, o voto do BNG sería desfavorábel.

Finalmente a Ordenanza incluíu as emendas do BNG conseguindo:

.Un apartado para residentes.
.Tarxeta propia para residentes.
.Posibilidade de tramitar as solicitudes de entrada en horario distinto do da tarxeta vía web a través da sede electrónica do concello.
.Residentes habituais, non empadroados e de segundas vivendas, cos mesmos dereitos e mesmas condicións.
.Praceiras cos mesmos dereitos para estar, cargar e descargar mercadorías nos mercados.
.Facilitar o traballo das panadarías cun distintivo para cada vehículo.
.Compromiso de non cobrar taxas aos residentes na vindeira ordenanza fiscal.

Website Pin Facebook Twitter Myspace Friendfeed Technorati del.icio.us Digg Google StumbleUpon Premium Responsive