BURELA .- A alcaldesa en funcións e concelleira de Xuventude, Neves Cando, anunciou que no pleno do 31 de xullo estudarase habilitar “dúas salas de máis de 20 metros cadrados e unha cabina de gravación” na Praza de Abastos.
A responsable municipal subliñou que “somos coñecedores da intensa actividade que desenvolven varios grupos musicais da nosa vila e sabemos que un dos problemas cos que se atopan o non dispoñer de locais axeitados para os seus ensaios” e lembra que “xa na campaña electoral das pasadas municipais nos comprometemos a darlle unha solución a este asunto”.
Nota de Prensa
O CONCELLO HABILITARÁ DOUS LOCAIS DE ENSAIO PARA OS GRUPOS MUSICAIS DA VILA NA ANTIGA PRAZA DE ABASTOS.
Burela, 24 de xullo de 2008. O Concello de Burela habilitará dous locais de ensaio para os grupos musicais da vila. Será na antiga praza de abastos onde se crearán dúas salas de más de 20 metros cadrados e unha cabina de grabación. Un proxecto que irá ao pleno do vindeiro 31 de xullo, segundo anunciaba hoxe, a alcaldesa en funcións e concelleira de Xuventude, Neves Cando. A edil nacionalista asegura que <somos coñecedores da intensa actividade que desenvolven varios grupos musicais da nosa vila e sabemos que un dos problemas cos que se atopan é o de non dispoñer de locais axeitados para os seus ensaios>.
Neves Cando lembra que <xa na campaña electoral das pasadas municipais nos comprometimos a darlle unha solución a este asunto. Desde o momento no que nos fixemos cargo da delegación de Xuventude comenzamos a traballar e no pleno da vindeira semana imos dar os primeiros pasos oficiais para habilitar dous locais da antiga praza de abastos coma locais de ensaio da nosa xuventude>.
A alcaldesa en funcións de Burela engade que <xa hai uns meses que estamos a xestionar este tema coa Dirección Xeral de Xuventude da Xunta que ten creada unha rede galega de locais de ensaio e xa demos os primeiros pasos. Despois dunha visita que fixeron a Burela os técnicos para coñecer esas instalacións e despois de darénlles o visto bó encargamos a redacción do proxecto para adecuar eses locais ás necesidades deste tipo de actividade musical. Estamos a punto de recibir o proxecto e a continuación solicitaremos a suscripción dun convenio coa Vicepresidencia da Xunta para levalo adiante e converter ese proxecto en realidade>.
Neves Cando di que <unha vez que remate o acondicionamento das salas incluirémolas na rede galega de locais de ensaio, o que nos permitirá ir mellorarno sucesivamente e dotándoas do material necesario. O segundo paso será a compra do mínimo equipamento para esas salas: unha mesa de misturas, baterías, sistemas de amplificación, micros….. Burela será pois un referente na Mariña en canto á actividade musical da nosa mocidade>.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
