BARREIROS .- O BNG de Barreiros insiste na necesidade de habilitar un área recreativa na entrada ao Concello “vindo de Foz entre a estrada N-642 e a ría e o tramo vello desa nacional”, explica Antonio Veiga. O voceiro nacionalista di que “alí hai unha serie de edificacións ruinosas do que antigamente eran uns muíños eléctricos que están cheos de maleza co lóxico perigo que iso significa para as casas dos veciños de arredor. Trátase dun grupo de 10 casas do barrio da Espiñeira”.
Veiga Outeiro lembra que “en outubro de 2003 o pleno aprobou por unanimidade unha moción do BNG na que se instaba ao Concello a facer xestións diante de Costas e diante do Ministerio de Fomento para eliminar esa maleza e eses edificios ruinosos. A nosa proposta era e a nosa proposta segue a ser esa… queremos que esa zona sexa convertida nun área recreativa. O custe non é moito, e é perfectamente asumible por calquera desas administracións, tanto por Costas coma polo Ministerio de Fomento”.
O voceiro do BNG en Barreiros considera que “así se eliminaría todo ese risco que supón para as casas de arredor e gañaríamos un espazo importante preto da ría e xusto na entrada do Concello co cal deixaría de afearse esa zona que é a entrada vindo de Foz porque non é unha paisaxe bonita ver todo aquel montón de ruínas nese acceso a Barreiros”.
Antonio Veiga congratúlase do bando “que hai pouco sacou o Concello de Barreiros despois das moitas solicitudes expostas desde hai cinco o seis anos tanto desde o BNG coma desde o resto de grupos da oposición. É un bando no que se lles pide a todos aqueles propietarios de solares abandonados que están cubertos de maleza e aos propietarios de edificios en estado ruinoso que procedan á súa limpeza e á conservación no debido estado de ornamento e de salubridade tal e como di o artigo 9 da lei do solo de Galiza. O bando parécenos ben, pero ten o efecto que ten e o grao de cumprimento que ten, de aí que nós volvamos insistir con esta reivindicación aprobada en pleno”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
