BURELA .- A Delegación de Medio Ambiente, Educación e Normalización Lingüística organiza para os días 19 e 20 de setembro unhas xornadas gastronómicas que exaltarán a lingua e a orella. Segundo explica a edil responsable, Lucía Bouza “esta fin de semana decidimos facer unha xornada gastronómica porque, dende o Concello de Burela estamos a celebrar a Semana Europea da Mobilidade. Porén, o máis importante é o motivo que nos levou a elixir estes produtos: estamos a celebrar que neste ano 2008, os grupos políticos con representación municipal (PSdeG-PSOE, BNG e PP) nos puxemos de acordo para sacar adiante un Proxecto de Planificación Lingüística para o Concello de Burela. Este proxecto está coordinado por Bernardo Penabade (profesor do IES Perdouro) e no mesmo participan cinco políticos: Alfredo Llano e Lucía Bouza polo PSdeG-PSOE, Neves Cando polo BNG e Cristóbal Edrosa e Luis Miguel Pedre polo PP”.
Bouza engade que “os produtos elexíronse coa intención de facer un símil: a lingua para falar e a orella para escoitar. A idea que subxace baixo isto é a de celebrar non só a posta en marcha do proxecto, senón que hai que celebrar tamén que Burela é coñecida nalgúns círculos como “Capital dun Paraíso Lingüístico”, posto que posúe unha altísima porcentaxe de galego falantes”.
Os establecementos que participan nestas xornadas son: O Sargo, Hamilton, Palacio de Cristal, Orxal, Kiko, Don Jamón, Parrillada de Jandro, Mesón do Mar, A Bodeguilla, O Raio, O Botafumeiro, Miranda, A Marquesa, Mesón da Pedra.
ÚLTIMA HORA
- A campaña do Día da Nai de Acisa Ribadeo deixa tres gañadores en Figueras, A Fonsagrada e Luarca
- O Concello de Navia adxudica as obras da Praza de Abastos por máis de 337.000 euros
- Mariña Patrimonio afonda na historia de Sargadelos cunha conferencia de Xoán Carmona
- ABANCA renova a súa alianza co GDR Terras de Miranda co foco posto nas solucións de crédito
- A partir deste venres 8 de maio, a estrada provincial LU-P-6102 quedará cortada ao tráfico debido ao comezo dos traballos do aglomerado en quente na vía, que é a que conecta os municipios da Pontenova e Trabada a través da parroquia de Vilaformán
Os traballos, cun orzamento de case 190.000€, afectan aos catro primeiros quilómetros da vía. Habilitaranse desvíos alternativos, que estarán debidamente sinalizados. - O Ribadeo Sabe, que organizan o Concello e Acisa, botou a andar con actividades complementarias como a cata de viños que tivo lugar este mércores na Praza de Abastos, dirixida á hostalería local e aberta ao público xeral
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas. - O Seminario de Estudos do Valadouro (SEVA) presentará o Cancioneiro do Valadouro o vindeiro 17 de maio ás 19:00 h na Casa da Cultura de Ferreira
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural. - Este venres, día 8 de maio, Lourenzá recibirá a visita da Garda Real cunha xornada de actividades abertas á veciñanza
De 12:30 14:00 horas no CEIP Juan Rey farán actividades e demostracións. E de 18:00 a 21:00 horas na Praza do Concello haberá unha exposición estática e mini relevos. O Concello de Lourenzá destaca que é “unha oportunidade única para coñecer de preto o labor da Garda Real. Animámosvos a participar!”. - O Concello de Mondoñedo renova a súa colaboración coa Universidade de Santiago de Compostela nos cursos de formación para persoas maiores
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia. - O Concello de Cervo deu a coñecer as persoas premiadas no Certame do Día do Libro, unha iniciativa que celebra a creatividade, o talento literario e o gusto pola lectura en todas as idades
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria. - O V Mercado de Produtos Locais de Vilaronte celebra unha nova edición este domingo cun día completo de actividades para todas as idades
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
2021 Crónica 3 A Mariña - Implementado por GaliciaDigital