BURELA .- A concelleira de Cultura, Neves Cando, manifesta unha grande satisfacción “pola boa acollida que tivo a nosa iniciativa de formar un club de lectura na biblioteca municipal. Onte tivemos a primeira reunión constitutiva do grupo e despois de que contactáramos con outras bibliotecas que xa contan con este club e despois de que nos dixeran que para empezar cun grupiño de dez persoas estaba ben, nós reunimos a 24 polo que temos que cualificar de auténtico éxito o nacemento deste club”.
A edil nacionalista engade que “a satisfacción tamén chega pola variedade de idades e ocupacións das persoas que se apuntaron. Temos unha franxa de idade que vai dos 15 aos 60 anos e as ocupacións tamén son variadas, temos xubilados, amas de casa, empresarios, profesores, persoal sanitario, libreiros, estudantes, administrativos… temos unha gama de intereses, inquedanzas e gustos literarios moi diversos co que o club da lectura será enriquecido e motivado por moi distintas sensibilidades”.
Celebrada a primeira reunión, o grupo decidiu que se reunirá dúas veces ao mes: o primeiro e o terceiro xoves ás oito e media da tarde na biblioteca municipal de Burela. Neves Cando asegura que “o ambiente foi tal nesta xuntanza que xa nos marcamos os primeiros obxectivos de lectura. A verdade á que todos estábamos ansiosos por empezar e ter xa o primeiro reto de lectura común. O primeiro libro será O club da calceta de María Reimondez por dous motivos que encaixan moi ben no noso programa de actividades complementarias. Primeiro porque o 14 de novembro poderemos gozar en Burela da representación teatral desa obra e así poderemos contrastar e analizar as nosas opinións literarias, e en segundo lugar porque poderemos contar coa presenza da autora a finais de novembro”.
O club da lectura de Burela xa elixiu outros dous libros para este trimestre: Seda e El amor en los tiempos del cólera. Segundo explica Neves Cando “os libros escolléronse pola propia suxestión dalgunhas persoas que estaban na reunión porque dentro do listado de máis de 400 libros que están a disposición dos distintos clubs de lectura das bibliotecas había tal variedade de xéneros e de autores que os analizaremos en futuras xuntanzas”.
A responsable de Cultura di que “hoxe 24 de outubro, día das bibliotecas, poñemos a andar en Burela o noso club da lectura, polo que nos sentimos orgullosos e satisfeitos pola acollida que tivo a iniciativa”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
