BARREIROS .- O BNG de Barreiros acusa de desleal ao alcalde por non executar os avais dos construtores e así mellorar o abastecemento de auga do concello.
O voceiro do BNG no Concello de Barreiros, Antonio Veiga considera que “os veciños hoxe levantáronse cunha mala noticia. Nós xa advertíramos que isto podía ocorrer porque levamos practicamente dous anos e medio co convenio para o abastecemento da auga aprobado, pero todas aquelas estipulacións que se recollían no convenio non foron cumpridas”. O edil nacionalista di que “só hai unha mínima parte dos construtores que cumpriron coas súas obrigas, que si cumpriron co Concello e cos veciños de Barreiros, e desde o BNG queremos felicitar a esas persoas que mantiveron a súa palabra e as súas propostas a pesares da crise económica, que parece ser que non lles afecta a todos por igual”.
Veiga Outeiro asegura que “este desenlace xa previsto si traerá consecuencias moi negativas para o Concello de Barreiros. Nós en todo este proceso defendemos sempre que primeiro teñen que estar os servizos e despois os edificios, e non é unha muletilla nin unha frase retórica é así de sinxelo. O que pasa é que desde o Concello de Barreiros non se quixo cumprir nunca con esta máxima. Non sabemos polo tanto que intereses está a defender o señor alcalde Alfonso Fuente Parga. Dicir tamén que a súa actitude é desleal cos grupos da oposición e cos veciños, dado que en maio o BNG ao igual que o resto dos grupos da oposición asistiu a unha reunión cos promotores e co alcalde e demonos un prazo ata outubro (a petición dos construtores) e entendemos que si se podía esperar ata este mes e que sería agora cando se executarían os avais”. O edil nacionalista engade que “do dito ao feito vai un 65 ou un 70 e pico por cento, pois hai practicamente un 30% de avais ingresados aínda que en novembro de 2007 o alcalde requiría a todos os promotores que si isto non se cumpría acudiría á vía executiva, e de todo iso non se fixo nada”.
¿Onde están os cartos?
Antonio Veiga non sabe “como cun pouco máis dun millón de euros dun orzamento que era de 3,6 millóns que é o que pretende facer a alcaldía de Barreiros porque iso senón se fai na súa totalidade pouco podemos solucionar. Tampouco a postura de esperar a que mellore a crise económica é algo que nos vai dar bo resultado porque si o PP, si o alcalde Alfonso Fuente en época de bonanza económica no 2006 cando ingresou 1.990.000 euros por licencias non foi capaz de xestionalos para que iso revertera en servizos… non sei moi ben en que se gastaron ese cartos”.
O concelleiro nacionalista considera que si noutra época de bonanza económica “cando se asinou este convenio por importe de máis de 3,5 millóns de euros tampouco os soubo xestionar díganme vostede e reflexionen sobre dun alcalde ao que lle poñen máis de 5 millóns e medio de euros nas mans en total ¿que alcalde na Mariña e en Galiza deixa o seu Concello igual que estaba ou peor que estaba antes de chegar el?. Eses 5 millóns non sabemos a onde foron. O que ten que facer o alcalde é responder a isto e deixarse de xogar ao trile que iso é o que está facer cos veciños de Barreiros e cos partidos da oposición”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
