A MARIÑA .- Xa non so existe unha fin de semana no Madrid de Fitur para promocionar a comarca e algún que outro desliz para ir a outro evento. Agora parece que é distinto, así días pasados nove empresarios hostelerios e tres membros das fundacións comarcais estiveron en Navarra. A pasada semana A Mariña estivo representada na feira asturiana TURICOM e a próxima estará en EXPOGALAECIA en Vigo.
Actualmente, aseguran, as “fundacións comarcais apostaron por un proxecto de promoción dirixida que trata, fundamentalmente, de romper coa estacionalidad” baseándose en que “os datos de ocupación amosan que a Mariña lucense ten un forte tirón turístico en tempada alta”.
O obxectivo da iniciativa e “facer unha promoción en aqueles mercados emisores de proximidade que, dada a tendecia de fragmentación do tempo de ocio que se está a observar nos últimos tempos, poidan traer visitantes á comarca nas fins de semana”.
Atrás quedan as pretensiosas qurencias dun exclusivo turismo de calidade con dubidosa oferta e o esquecemento do turismo veciño, mesmo do lado, o que agora se recorre.
A falla de medios e profesionais na promoción turística en A Mariña substitúese pola experiencia adquirida nos anos de atraso e comezan a identificarse necesidades e marcarse obxectivos.
Fonte:
ACTIVIDADES DE “`PROMOCIÓN DIRIXIDA” DA MARIÑA LUCENSE
Neste ano 2.008, e unha vez analizada a situación actual da demanda turística de A Mariña Lucense, as Fundacións Comarcais apostaron por un proxecto de “promoción dirixida” que trata, fundamentalmente, de romper coa estacionalidade.
Os datos de ocupación amosan que a Mariña Lucense tén un forte tirón turístico en tempada alta, producto, entre outros moitos factores, da riqueza e diversidade dos seus recursos, da promoción que se leva facendo ininterrumpidamente dende fai xa máis de dez anos nas grandes feiras, da calidade dos seus establecementos, etc. Pero, a pouco que se analicen os datos, atopámonos con que os índices de ocupación poderían ser manifestamente mellorables na tempada baixa.
Por esto, as Fundación Comarcais da Mariña Lucense, dentro dun proxecto global de Desenvolvemento Turístico decidiron apostar por facer unha promoción en aqueles mercados emisores de proximidade que, dada a tendecia de fragmentación do tempo de ocio que se está a observar nos últimos tempos, poidan traer visitantes á comarca nas fins de semana, pontes festivos, etc.
Algunhas das accións incluídas neste proxecto (que foi financiado integramente pola Sociedade para o Desenvolvemento Comarcal de Galicia e a Dirección Xeral de Turismo) puxéronse de largo na pasada fin de semana. Elaborouse un stand promocional para A Mariña Lucense que presenta de xeito sinxelo pero de grande vistosidade os elementos e recursos que nos identifican dende o punto de vista patrimonial, natural, etnográfico, etc.
Con esta nova ferramenta promocional acudiuse á feira TURICOM que se celebrou do 24 ó 26 en Gijón com un resultado que se pode calificar de “éxito rotundo”. Neste evento distribuiuse o folleto promocional da Mariña Lucense que a Dirección Xeral de Turismo e Turgalicia elaboraron a principios de este ano, así coma os materiais promocionais dos concellos que forman a Asociación para o Desenvolvemento Turístico da Mariña Lucense. A feira estaba dirixida a público final que esgotou todo o material de que se dispoñía.
Nesta semana acometeráse o segundo evento que se elexiu para este modo de promoción que será a feira EXPOGALAECIA a celebrar en Vigo os días 31 de Outubro e 1 e 2 de Novembro na que esperamos unha receptividade semellante á acadada en Asturias, en tanto que o público procede na súa maioría do sur de Galicia e o norte de Portugal, territorio emisor de visitantes que pola proximidade xeográfica e a afinidade amosa grande interese pola nosa zona. Asemade, dentro deste evento feiral celébrase unha bolsa de contratación, polo que contaremos coa presencia de operadores, axencias e profesionais, que, esperamos poidan abrir vías de comercialización para A Mariña.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
