BURELA .- A concellaría de Mar de Burela presentou esta maña a nova campaña para fomentar o consumo de peixe fresco e marisco entre os consumidores. A iniciativa, segundo explicou a concelleira Remedios López Villar, consistirá no sorteo dunha cesta que levará produtos típicos que se venden no peirao de Burela, composta de peixe e marisco. Os clientes que merquen estes días nas pescaderías da vila recibirán unha papeleta para entrar no sorteo, que terá lugar o vindeiro 30 de decembro na casa consistorial. Tódalas pescaderías recibirán urnas, carteis e folletos para desenrolar a campaña, que conta coa colaboración da Consellería de Pesca e Asuntos Marinos.
A cesta, segundo explicou o presidente de ABSA, Angel Fernández Vézquez levará “pescada, rape, sanmartiño, centola, nécora… dependerá un pouco do peixe que chegue eses días á lonxa e que poderá variar un pouco. O prezo da cesta andará polos 1.000 euros”. O alcalde de Burela, Alfredo Llano, destacou “a importancia de consumir peixe salvaxe e capturado pola flota artesanal” e o delegado provincial de Pesca, José Ramón Val, dixo que “aínda que se trata dunha campaña local feita en Burela, servirá para animar a consumir peixe da nosa costa a toda a poboación”.
En total editáronse 300 carteis e 2.000 papeletas para o sorteo nunha primeira quenda, aínda que está previsto aumentar esa cifra a 4.000 cara mediados de mes.
“Animamos a todo o pobo de Burela a que merque peixe de aquí nestas datas, porque é un produto que ten moitas vitaminas e proteínas, como magnesio, selenio ou iodo, que é fundamental para o desenrolo do cerebro. Os nenos teñen que consumir moito peixe”, dixo a concelleira de Mar, Remedios López Villar.
López Villar destacou ademais a importancia desta campaña para potenciar a venta de peixe nos establecementos da vila “nunhas datas onde o peixe debería ter un prezo alto e haber moitas encargas nas pescaderías, algo que non está a ser así”.
A campaña comezará o vindeiro luns e rematará o 30 de decembro co sorteo da cesta de peixe e marisco.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
