BURELA .- O Concello de Burela organiza a 27 edición do premio de novela longa Blanco Amor que está patrocinado por 75 concellos galegos e considerado coma o máis importante para a narrativa galega. Ao premio que está dotado con 12.000 euros “poden concorrer autores de calquera nacionalidade coa particularidade de que está exento do IRPF polas súas características”, explicou a concelleira de Cultura de Burela, Neves Cando, no acto de presentación feito este mediodía no Concello.
A edil nacionalista lembrou que “o premio tivo unha influencia moi importante no desenvolvemento da narrativa galega e en xeral do sistema literario galego. A principios dos anos 80 a literatura galega contaba con novelas de extraordinaria calidade entre as que se atopan grandes clásicos como Castelao, Otero Pedrayo, Cunqueiro ou Blanco Amor. Non obstante debido á difícil historia da literatura da nosa lingua o corpus da novela galega de longa extensión percibíase como relativamente escaso aínda cunha tendencia excesiva á brevidade na escrita imposta nas etapas anteriores por unha escasa potencia das empresas editoras galegas”. Neves Cando contou que “no ano 1981 a iniciativa do Concello de Redondela convocouse o primeiro premio Blanco Amor coa intención de contribuír ao desenvolvemento do xénero literario que se entendía coma o máis importante nunha literatura moderna polas súas expectativas de maior difusión. Isto de feito era o que sucedía e segue a suceder nas grandes literaturas do mundo e tamén na nosa agora, porque a novela é o xénero máis vendido e lido na actualidade”.
A concelleira de Cultura considera que “a importante dotación e repercusión social deste premio animou á escrita de grande número de novelas de extensión estándar, un número moito máis grande do que resultou premiado. Hai que ter en conta que na última edición se presentaron 30 novelas cun alto nivel en opinión do xurado. A primeira novela que conquistou o galardón foi A vida asolagada de Daniel Cortezón que tivo un éxito discreto, pero a segunda O triángulo inscrito na circunferencia de Víctor Freixanes foi unha novela extensa porque nunca antes se escribirá unha tan longa en galego e ainda hoxe non foi superada… tivo un grande éxito. Despois o premio foise consolidando con obras como Beiramar de Xosé Manuel Martínez Oca ou Xa vai o Grifón no vento de Alfredo Conde. Actualmente xa van 26 edicións que contaron con autores xa consagrados e con autores menos consagrados pero que xa están presentes na nosa literatura. É o caso de Inma López Silva, autora moi nova que ten xa unha longa carreira literaria con obras narrativas como Concubinas ou Non quero ser Doris Day”.
Os traballos que se presenten a esta 27 edición do premio Blanco Amor terán que dirixirse á Casa da Cultura de Burela antes do 30 de decembro. O xurado composto por cinco persoas emitirá o seu ditame no mes de marzo de 2009 e en abril o Concello acollerá o acto de entrega deste importante galardón.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
