CERVO .- O concelleiro de Medio Ambiente do Concello de Cervo, Antonio Basanta, saíu hoxe ao paso das criticas vertidas polo grupo municipal socialistas acusando ao Concello de non estar prestando un bo servizo de recollida de lixo na urbanización da Veiga.
Para Basanta, as acusacións socialistas non se axustan á realidade en absoluto. “A tónica xeral é de bo funcionamento. Actualmente estamos a facer a recollida de luns a sábados sen ningún tipo de problemas salientables. En todo caso,de existir algún, puido ser debido a algo simplemente puntual, e non coma pretenden facer ver estes señores” asegurou o responsable do servizo de recollida de lixo municipal. O concelleiro aproveitou tamén para lembrarlles aos socialistas que nos últimos meses o Concello ten incrementado o número de colectores na zona da Veiga “no número de unidades que se nos teñen demandado” e ten reparado todos xa existentes que presentaban estragos”.
O responsable municipal da recollida de lixo rexeitou as afirmacións socialistas de abandono na prestación deste servizo na urbanización da Veiga cualificando estas criticas “entre patéticas e contraditorias”. Na súa opinión, “non é de recibo” que os socialistas enarboren unha suposta defensa dos veciños da Veiga só para o que lles convén. “É cando menos chocante que se queixen de deficiencias na recollida de lixo nesta zona cando non existe tal. E aínda por riba, os seus compañeiros de partido na Xunta rexeitan unha petición do Concello para situar alí uns colectores soterrados argumentando que invaden en metro e medio cadrado o dominio de Costas, e en embargo noutros concello é a propia dirección xeral de Costas a que os coloca”. Para Basanta, os socialistas cervenses deberían preocuparse destes temas, “en lugar de ir poñendo en solfa” un servizo que non presenta deficiencias. “Este repentino interese do PsdeG polo servizo de recollida de lixo non é máis que outra das súas ferramentas para tentar politizar e crispar a vida diaria deste concello” asegurou Basanta.
TODOS OS VECIÑOS SON ATENDIDOS POLO ALCALDE
Segundo Basanta, esta “manía persecutoria” dos socialistas cervenses contra o grupo de goberno municipal chega ata o extremo de mentir en cousas tan graves coma as súas afirmacións nas que dicían que o alcalde non recibía aos veciños desta zona de San Ciprián. “O alcalde nunca deixou sen atender a un veciño que viñera falar con el, ou que se achegara a el para comentarlle algo” asegurou categoricamente Basanta. Neste senso confirmou que o Concello ten rexistrado queixas de veciños da Veiga por distintos motivos, “pero nunca por deficiencias no servizo de recollida do lixo”. “Precisamente unha das reivindicacións máis reiteradas polos veciños desta zona é a colocación de bandas rugosas na estrada provincial enfronte ao Centro de Saúde e sen embargo parece que os socialistas, coa súa voceira e vicepresidenta da Deputación ao fronte, non queren saber nada disto e optan por inventarse deficiencias onde non as hai có único obxectivo de sacar tallada política en todo aquelo que poidan”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
