NOTA DE PRENSA:
Pesca ampara centos de expedientes de infracción tramitados de xeito irregular polos falsos axentes
O PPdeG SOLICITA COPIA DE TODAS AS ACTAS INCOADAS POLOS FALSOS GARDACOSTAS PARA REVISAR AS ILEGALIDADES COMETIDAS
* Eses expedientes poden resultar nulos de pleno dereito por ter sido tramitados por falsos axentes da autoridade, polo que non sería descartable que os afectados presenten unha avalancha de reclamacións e recursos para preservar os seus dereitos
Santiago, 16 de novembro de 2008.- O voceiro de Pesca do Grupo Popular, José Manuel Balseiro, rexistrou no Parlamento unha iniciativa na que solicita que a Xunta lle remita copia de todas as actas e expedientes incoados polos dous falsos axentes do Servizo de Gardacostas de Galicia para revisar as ilegalidades cometidas por estes funcionarios.
O PPdeG denunciou, días atrás, que a Consellería de Pesca entregou placas, carnés profesionais e distintivos de axentes do Servizo de Gardacostas de Galicia a dúas persoas que non reúnen os requisitos esixidos pola lei, xa que non pertencen a ningunha das tres escalas dese servizo. Trátase de dous funcionarios da Administración central que prestan servizo na Xunta en comisión de servizos, pero que de ningún xeito reúnen as condicións esixibles aos axentes do Servizo de Gardacostas, equiparados aos axentes de autoridade en materia de inspección de vixilancia pesqueira.
Tendo en conta que os dous falsos axentes do Gardacostas están a levantar e asinar actas de infracción, comisan vehículos e embarcacións, peixe e marisco, dan ordes operativas e desenvolven toda clase de funcións reservadas ao axentes da autoridade en materia de inspección e vixilancia pesqueira, o PPdeG sospeita que poden ter acumulado centos de expedientes tramitados de xeito irregular.
Aínda que a Consellería de Pesca, responsable última destas irregularidades, trata de agochar e minimizar a situación, o PPdeG advirte que todos eses expedientes poden resultar nulos de pleno dereito por ter sido tramitados por axentes falsos, polo que non sería descartable que os afectados presenten unha avalancha de reclamacións e recursos para preservar os seus dereitos.
SAÚDOS, GABINETE DE COMUNICACIÓN DO GRUPO PARLAMENTARIO POPULAR DE GALICIA
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
