CERVO .- O Pleno do Concello de Cervo vén de aprobar a conta xeral do exercicio 2007, isto é o instrumento que reflicte de xeito ordenado e sistematizado as cifras máis representativas da execución e liquidación do orzamento, os movementos e situación da tesourería e a xestión do patrimonio nese ano de referencia. Deste xeito o Goberno Municipal cumpre coa súa obriga de render contas ante o órgano de fiscalización das entidades locais, en Consello de Contas, tal e como establece a lexislación vixente.
DOUS MILLÓNS MÁIS EN INVESTIMENTOS REAIS
Da análise deste documento contable despréndese que durante o 2007 o Concello de Cervo incrementou o seu investimento en preto de dous millóns de euros, máis dun 500% respecto do establecido no ano anterior e, todo iso, sen necidade de acudir ao endebedamento bancario. Máis investimento que se materializou principalmente en novas construcións (remate da Casa da Cultura e do Auditorio Municipal, urbanización de contornos -alumeado público, saneamento e pavimentación, mellora na rede de centros sociais, etc) e maquinaria (compra do vehículo de bombeiros e intervención rápida, adquisición do novo camión de recollida de lixo, … etc).
SEN INCORRER EN DÉBEDA BANCARIA
Desde o Goberno municipal insisten en salientar que este esforzo inversor efectuouse sen necesidade de concertar ningún tipo de nova operación de crédito con bancos ou caixas e, polo tanto, financiouse con cargo a subvencións e outras achegas pero non a costa de xerar máis débeda como acontecía no pasado.
Por outra banda, do contido da conta xeral tamén se desprende un importante esforzo en materia de gastos de persoal. No 2007 o Concello de Cervo tratou de contribuír a xerar emprego na nosa comarca e mellorar con iso os servizos públicos que se lle prestan aos cidadáns.
PROMOCIÓN DA ACTIVIDADE ASOCIATIVA
Destaca tamén o esforzo acadado en materia de promoción, fomento e colaboración coas distintas asociacións para a realización de actividades deportivas, culturais e lúdico-festivas. Preto de 120.000 destináronse a axudas directas a estes colectivos e para a promoción das festas que se desenvolven no conxunto das parroquias do termo municipal.
SENTENZAS FAVORABLES
Os resultados dos distintos contenciosos nos que está inmerso o Concello de Cervo tamén supoñen unha nova positiva para as arcas municipais e así o subliñan desde o Executivo local. As últimas sentenzas que acreditan a privatización irregular dos servizos de auga, saneamento e lixo -caso SUMIGES- a instancias do anterior Goberno municipal socialista e os fallos favorables respecto do plan de investimentos e asfaltados PLACER, supoñen un aforro superior aos cinco millóns de euros, isto é, unha cantidade equivalente ao total do orzamento corrente nun exercicio normal.
PLAN AUSTERIDADE
Segundo a conta xeral o remanente de tesourería ofrece un resultado negativo, polo o Concello de Cervo adoptará as medidas oportunas, e legalmente previstas, para sanear a súa situación económica. Fundamentalmente trátase da posta en marcha dun plan de austeridade e de reflectir nos vindeiros orzamentos unha cantidade de superávit similar ao remanente negativo contraído. En todo caso desde o Goberno municipal non queren esquecer que nun contexto xeral de crise como o actual é preciso seguir apostando por realizar un esforzo desde os distintos entes locais para garantir o correcto funcionamento dos servizos públicos e, de xeito especial manter o esforzo naqueles gastos e investimentos que teñen un alto interese social. Ao mesmo tempo o feito de manter un alto nivel de investimento por parte dos distintos concellos contribúe a incentivar a economía local.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
