BURELA .- A Consellería de Industria abreu na Casa do Mar en Burela unha oficina de atención aos afectados polo temporal. A oficina estará operativa de luns a venres en horario de mañá e tarde para asesorar aos afectados na xestión das axudas convocadas pola Consellaría para a reparación dos danos provocados polo temporal nos establecementos comerciais, industriais, turísticos e mercantís do país, así como nas infraestruturas enerxéticas e turísticas de titularidade municipal.
Nota de Prensa
INNOVACIÓN E INDUSTRIA ABRIU HOXE AS SÚAS 2 OFICINAS DE ATENCIÓN AOS AFECTADOS POLO TEMPORAL EN BURELA E ORTIGUEIRA
? As oficinas asesorarán aos afectados na xestión das axudas convocadas pola Consellaría para a reparación de danos nos establecementos comerciais, industriais, turísticos e mercantís do país
? O importe global das subvencións acada os 3,8 millóns de euros
Santiago de Compostela, 2 de febreiro de 2009. As 2 oficinas de atención aos afectados polo último temporal rexistrado en Galiza que habilitou a Consellaría de Innovación e Industria en Burela e Ortigueira abriron hoxe as súas portas. As oficinas (situadas na Casa do Mar de Burela e no Centro Social de Ortigueira, no porto deportivo da vila) estarán operativas de luns a venres en horario de 10 h. a 14 h. e de 16 h. a 19 h., para asesorar aos afectados na xestión das axudas convocadas pola Consellaría para a reparación dos danos provocados polo temporal nos establecementos comerciais, industriais, turísticos e mercantís do país, así como nas infraestruturas enerxéticas e turísticas de titularidade municipal.
O importe global das axudas do departamento de Fernando Blanco, que serán convocadas mañá no DOG, acadará os 3,8 millóns de euros, sen prexuízo de ulteriores variacións que se puideran producir como consecuencia dunha maior dispoñibilidade orzamentaria.
Para os efectos dos danos en empresas, consideraranse aqueles causados nas súas edificacións, instalacións e maquinaria, nas mercadorías depositadas nos locais así como nos vehículos comerciais ou industriais afectos a estas actividades. Con respecto aos Concellos, as axudas de Innovación e Industria destínanse á reparación de infraestruturas enerxéticas e turísticas que resultasen danadas e sexan de titularidade municipal. Quedan excluídas desta convocatoria as actividades de xeración, transporte e distribución de enerxía eléctrica.
A concesión das axudas terá carácter subsidiario e complementario respecto de calquera outro sistema de cobertura de danos, público ou privado, estatal ou internacional, do que poidan ser beneficiarios os afectados. Non obstante, cando os citados sistemas non cubran a totalidade dos danos producidos, as axudas previstas na orde de Innovación e Industria serán compatibles en concorrencia con outras subvencións, indemnizacións, axudas ou ingresos até o límite do valor do dano producido. Os modelos formalizados de solicitude das axudas de Innovación e Industria deberán obterse e validarse, logo da publicación da orde no DOG, a través da web da Consellaría (www.conselleriaiei.org, enlace a “Axudas Virtual”).
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
