RIBADEO (FNC) .- Preto de dúas horas durou o encontro que mantiveron o alcalde e outros membros do seu equipo de goberno cunha representación dos vendedores ambulantes do mercado semanal dos mércores. O rexedor de Ribadeo, Fernando Suárez, asegura que “nós nunca lle fuximos nin lle fuxiremos ao diálogo, para nada. Estivemos preto de dúas horas falando e pouco podemos dicir que sacáramos en conclusión, pouco podemos dicir que avanzáramos para desbloquear esta situación. É certo que nos vemos coa responsabilidade, xa que a oposición quixo mediar non o conseguiu e así o recoñeceu e a propia oposición deixou sobre o goberno toda a responsabilidade para resolver esta situación”.
O alcalde di que “na resolución desta situación debo dicir, porque así llelo dixemos a eles, que as ordenanzas están para cumprilas en tanto éstas non sexan derogadas ou non sexan cambiadas, e eso non ten volta atrás e sobre eso non hai efectos retroactivos e sobre eso nada podemos facer. É dicir as débedas acumuladas deberán ser satisfeitas porque senón a propia ordenanza marca que non poderán ocupar os postos para a seguinte anualidade. Non obstante nós pensamos que falar é positivo”.
Suárez Barcia recoñece que “os vendedores ambulantes volvéronnos dar unha proposta que nós xa lles dixemos que é francamente difícil por non dicir imposible que eso se poida estimar. Démonos uns días para estudiar esta situación porque debemos dicir que aínda que desde o Goberno municipal esiximos que todo o mundo cumpra as ordenanzas que a Corporación aproba e esta está aprobada desde hai anos, tamén somos conscientes de que Ribadeo non debe quedar sen mercado semanal. Nós eso non o podemos consentir, pero eso tampouco debe servir para unha imposición por parte dos ambulantes de ningunha maneira. Si é así nunca aceptaremos a risco de que se perda o mercado, pero tamén somos conscientes do contrario”.
O alcalde de Ribadeo sinala que “non queremos que se perda o mercado e faremos todo o que estea na nosa man dentro da legalidade, das ordenanzas vixentes… e ata este momento entendemos que actuamos da maneira máis nobre, máis lexítima e máis honrada que podemos facer”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
