BURELA .- O próximo sábado, 18 de abril, terá lugar en Burela un ensaio da Banda do Norte, que será dirixido polo director portugués Luis Miguel dos Santos e polo galego Carlos Diéguez. Nesta formación, que agrupa a músicos de distintas bandas das comarcas do Ortegal, Terra Chá e da Mariña, participan tamén músicos da Banda de Música de Burela.
A Banda do Norte estrearase diante do público o próximo 2 de maio, nun concerto que terá lugar no Teatro da Beneficencia de Ortigueira, ás 20:30 horas, no marco do II Congreso Internacional de Bandas “Vila de Ortigueira”.
A Banda, no seu concerto inaugural, estará dirixida polos seguintes directores (mais información dos directores no adxunto):
* Miguel Etchgoncelay (Arxentina-Francia)
* Luis Miguel dos Santos (Portugal)
* José Miguel Fayos Jordán (Valencia)
* Carlos Diéguez (Galicia)
Esta Banda nace dentro dun proxecto que pretende asociar ás bandas do norte do país co fin de potenciar a cultura musical nestas comarcas galegas. Esta asociación deu en chamarse Unión Musical de Bandas do Norte de Galicia e a día de hoxe participan neste proxecto as bandas de Cedeira e Ortigueira (Ortegal, na provincia da Coruña) e as bandas de Vilalba, Guitiriz, Guntín e Burela, (das comarcas da Terra Chá e da Mariña, na provincia de Lugo).
A Unión Musical de Bandas do Norte ten intención de realizar outras actividades no futuro, como a creación dunha banda xuvenil, encontros de bandas, cursos, etc.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
