NOTA DE PRENSA
A formación política popular quenta motores coa mirada posta nas vindeiras eleccións europeas previstas para o mes de xuño
BALSEIRO PARTICIPARÁ NUNHA REUNIÓN DE CAMPAÑA NA SEDE NACIONAL DO PP
* O dirixente popular adianta que a campaña estará centrada en transmitir dúas mensaxes ben definidas:
+ Galicia debe recuperar a súa presenza nos foros de decisión da Unión Europea, pois as institucións europeas son importantes á hora de resolver os grandes problemas dos galegos.
+ O Goberno de Zapatero debe recibir un serio correctivo electoral, pois a súa caótica xestión está a deteriorar o protagonismo que noutro momento España tivo dentro da Unión: líderes da situación de crise, líderes do desmprego.
A Mariña, 04 de maio de 2009.- O secretario provincial do PP en Lugo e deputado mariñán, José Manuel Balseiro Orol participará mañá martes 5 de maio nunha xuntanza na Sede Nacional do Partido Popular sita na madrileña rúa Génova número 13. Balseiro Orol actuará en calidade de responsable de campaña das eleccións europeas en Lugo nun encontro no que se prevé facer un seguimento dos traballos desenvolvidos ata o momento e coordinar as actuacións a seguir co obxecto de preparar a cita coas urnas prevista para o vindeiro mes de xuño.
IMPLICACIÓN Á FONDO NAS ELECCIÓNS EUROPEAS
Balseiro Orol adiantou que a súa formación política se implicará a fondo nas próximas eleccións europeas co obxectivo de que Galicia recupere a súa presenza nos foros de decisión da Unión, así como tamén espera que os futuros comicios sirvan como plataforma de castigo ao actual Goberno de Zapatero cuxa caótica xestión está a deteriorar a imaxe de España no conxunto de Europa.
SOLUCIÓNS: A IMPORTANCIA DA UE
De feito, segundo explicou o dirixente popular, a intención básica da súa formación política e aproveitar a campaña electoral para explicar a importancia das institucións europeas no obxectivo de resolver os grandes problemas dos galegos. “Na capital comunitaria toma decisións de gran calado para os cidadáns: para a nosa pesca, para o mundo do agro, ou para o mundo na industria. Así por exemplo é en Europa onde se está a decidir o futuro enerxético, ou o establecemento das tarifas eléctricas que tanta incidencia teñen na viabilidade futura de multinacionais da importancia na nosa comarca como é Alcoa”
CENSURAR A ERRADA POLÍTICA DE ZP
Por outra banda o PP espera que as vindeiras eleccións europeas sexan unha nova oportunidade da cidadanía para censurar a errada política do Goberno de Zapatero. Como proba da súa caótica xestión, o PP ofrece os datos reais e concretos da destrución de emprego, que ten unha importante incidencia en Galicia. Non en van, o noso país é o de maior desemprego de toda Europa e, ademais, a taxa de paro rebasa no dobre a media da UE. Desafortudamente con Zapatero somos líderes da crise en Europa pero tamén líderes no paro, na destrución de emprego.
POBO A POBO
Balseiro se amosa convencido de que se hai apenas mes e medio, os galegos mostraron a súa decisión inequívoca de que era o Partido Popular quen mellor representaba os seus intereses, unha nova vitoria do PP, está vez nas eleccións europeas suporá que os intereses dos galegos estarán representados dun modo máis acorde coa realidade”. E por iso que o PP se implicará “a fondo” nos comicios de xuño a través dunha campaña “próxima, de pobo a pobo” e que prestará especial dedicación a aqueles colectivos aos que afectan de forma especial os asuntos comunitarios.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
