BUREAL (FNC) .- O Concello de Burela conta cunha nova zona infantil nas inmediacións da praia de A Marosa. O concelleiro de Obras, Pascual Doménech, explica que “a idea do proxecto xestouse a partir dunha petición por parte do goberno local diante da Dirección Xeral de Sostebilidade da Costa e do Mar para cubrir unha demanda social, e logo da necesidade que contemplou o Concello de dotar ao noso pobo de instalacións axeitadas para ocio infantil complementario á época estival”.
O edil socialista engade que “a situación elixeuse en base ao aproveitamento dun espazo orixinal, atractivo e agradable, incluido nun entorno excepcional e de excelente calidade que nos ofrece a praia de A Marosa”. Doménech sinala que “todos os xogos están relacionados co medio onde están instalados e conteñen cores vivos e limpos e formas suaves e redondeadas, todos eles adaptados á normativa europea sobre espazos infantís e revestimento de solos. Dende o Concello esperamos que se respecte ao máximo posible o mobiliario de xogo, así como o cumprimento das normas e consellos do panel informativo alí instalado”.
Cambios no tráfico rodado o luns
O luns, durante todo o día, estará pechado o acceso ao porto de Burela para o tráfico pesado pola Aveniva da Mariña, debido a que se procederá ao escarificado e posterior asfaltado do seu cruce con Arcadio Pardiñas. O edil de Obras di que “ao ser un tramo que soporta camións de gran tonelaxe, o seu arranxo leva consigo unha aplicación de aglomerado especial drenante, que necesita un tempo de asentamento. O acceso ao porto será por A Casilla-A Marosa-Burela e a saída do porto será por Avenida da Mariña ata o cruce da carretera de A Marosa-A Casilla. Si as previsións se cumpren, a última hora da tarde quedará solucionado este peche provisional”.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
