RIBADEO (FNC) .- O alcalde de Ribadeo, Fernando Suárez, convida aos veciños do concello, da comarca da Mariña e do Occidente asturiano a acudir aos actos de recreación da invasión das tropas napoleónicas ocorrida hai 200 anos. O rexedor sinala que “se trata dunha fin de semana de recreación e de recuperación da memoria histórica, xa que se conmemoran os 200 anos dunha batalla que tivo lugar con partes desiguais…por unha banda, un destacamento do exército francés comandado polo xeneral Fournier e por outra unha serie de veciños de catro parroquias de Ribadeo (Arante, Covela, Cedofeita e Ove) e de tres de Trabada (Balboa, Vidal e Sante) que armados con escopetas e fouces levaron a cabo unha campaña contra os soldados de Napoleón. Despois de 200 anos e de que incluso desde aquela se conmemora na festa das Cruces o bandeo dos pendóns, en Ribadeo co apoio do Xacobeo e da Deputación quixemos levar adiante estes actos conmemorativos que se celebrarán mañá e o domingo”.
Os actos darán comenzo mañá ás 11:30 horas coa recreación dun campamento e a dotación dun forte da época no Forte de San Damián. Ás 20:00 horas haberá un desfile polas rúas do casco vello da vila e a recreación da liberación do pobo da invasión francesa na Praza de España, onde se verán tropas francesas, veciños da vila que loitaron contra eles, o exército e a caballería que actuará ese día. E despois como paso previo á celebración da festa das Cruces en Arante, o domingo 31 de maio ás 12:30 horas descubriráse unha praca conmemorativa por parte das autoridades de Ribadeo e de Trabada na igrexa e ás 13:00 horas haberá a recreación da batalla na Ponte.
Fernando Suárez considera que “estamos diante dunha fin de semana atractiva de cara ao lecer e de recreación e recuperación da nosa memoria histórica e dos acontecementos que tiveron lugar aquí hai 200 anos”.
O alcalde de Ribadeo convida os veciños a acudir a recreación da batalla da Ponte de Arante
Relacionado
-
O PP de Foz denuncia que o Concello actuou tarde e critica o abandono das estradas e do alcantarillado
-
A Interfederativa de Confrarías analiza en Foz a sustentabilidade e rendibilidade da pesca artesanal
-
Educación reprocha ao Goberno central e ao Concello de Burela a falta de apoio nas obras dos centros educativos
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
