NOTA DE PRENSA:
OS NACIONALISTAS FELICÍTASE DO APOIO UNÁNIME A MOCIÓN DO BNG PARA O MANTEMENTO DOS POSTOS DE TRABALLO E VIABILIDADE DA CERÁMICA DE SARGADELOS.
O BNG criticou a parálise do PP que só espertou a partir da presentación da moción na defensa desta industria e os seus traballadores e traballadoras.
Cervo, 14 de maio de 2009. O BNG felicitouse polo apoio unánime á moción nacionalista para a defensa da viabilidade da Cerámica de Sargadelos e o mantemento dos postos de traballo. A corporación tomou o acordo de solidarizarse coas traballadoras e traballadores de Sargadelos e insta á Xunta de Galiza, Deputación de Lugo e Goberno do Estado a que comprometan o seu apoio para o mantemento dos postos de traballo e viabilidade da empresa mediante os instrumentos ao seu alcance.
O PP FALTO DE INICIATIVA, COPIOU LITERALMENTE OS PUNTOS DO ACORDO PRESENTADOS POLO BNG.
O BNG aceitou as tres emendas presentadas polo PP e outra do PSOE nas que por parte do PP copiábanse os 2 puntos do acordo presentados polo BNG e sumaba outro mais no que se insta ás diferentes administracións, provincial, autonómica e estatal a apoiar de diversas formas o mantemento dos postos de traballo e viabilidade da empresa. Mediante este acordo apoiase ao cadro de persoal da empresa na difícil situación que están pasando, e ínstase á Xunta de Galiza a iniciar os contactos pertinentes coa dirección da empresa e representantes dos traballadores para garantir a viabilidade da empresa e o mantemento dos postos de traballo e os seus dereitos laborais. Ademais ínstase ao goberno local a mediar diante das administracións provincial, autonómica e estatal a poñer os esforzos necesarios para manter esta industria cerámica e o seu carácter cultural. O BNG lamentou a falla de iniciativa do goberno local que non reaccionou até a presentación da iniciativa nacionalista e tivo o descaro de emendar os puntos de acordo da moción con tres puntos, dos cales dous estaban copiados literalmente da iniciativa orixinal.
A CESIÓN Á CONSELLARIA DE SANIDADE DO CENTRO DE SAÚDE DE SAN CIBRAO PUXO DE MANIFESTO OS ESCASO TRABALLO DO GRUPO DE GOBERNO
A cesión do Centro de Saúde de San Cibrao á Consellaría de Sanidade, froito dun protocolo asinado entre a FEGAMP e esta consellaría, no que se facía imprescindíbel ter incluída a parcela onde esta construído no Inventario de Bens Municipais, demostrou a falla de traballo do goberno local que despois de 10 anos ao fronte, non renovou tal inventario e por tanto esa finca non forma parte del. Do mesmo xeito o BNG aproveitou para reclamar ao goberno local un Inventario de Bens Patrimoniais para a protección do patrimonio cervense, tendo en conta ademais, que a inexistencia deste inventario impide aos veciños acceder a axudas da Xunta de Galiza para rehabilitación que esixen o inventariado destes bens para poder solicitar as axudas.
O PP SEGUE EMPEÑADO EN DIVIDIR Á SOCIEDADE POR MOTIVOS LINGÜÍSTICOS
O BNG lamentou que o PP siga empeñado en facer do uso e defensa da lingua galega un conflito político, mantendo unha suposta persecución do castelán que só existe nas mentes daqueles que precisamente buscan a redución da lingua de Galiza a un uso residual e obviando informes de organismos de sobrada solvencia como a Real Academia Galega que alertan sobre un descenso do uso da nosa lingua ate niveis alarmantes. Deste xeito o PP negouse a apoiar o “MANIFESTO A PROL DA CONVIVENCIA LINGÚÍSTICA E IGUALDADE DE DEREITOS PARA O GALEGO” que xa conta con 20.000 apoios individuais, e emendou a moción do BNG con outra que esquece a realidade socio lingüística do noso país e recunca no discurso sobre unha persecución sobre o castelán que non existe.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
